03 August 2009
11:10 -
Эронда собиқ президент намойишчиларнинг судланишини қоралаши ўзбекларни ўйлантириб қўйиши керак
Эронда июнь ойида ўтказилган президент сайлови натижаларига қарши норозилик намойишларида иштирок этганлардан тахминан 100 киши устидан шанба куни суд бошланди, деб хабар беради Reuters агентлиги. Ҳокимият уларни тартиб бузарликда ва давлат хавфсизлига таҳдид солишда айбламоқда. Намойишчилар юрт ташқарисидаги мухолифат вакиллари билан алоқада бўлганлари ҳам айбномалар ичида.Эроннинг собиқ президенти Муҳаммаад Хотамий бу судни танқид қилди. Унинг фикрича, бу “шоу” антиконституцион ва халқнинг ҳокимият тизимига бўлган ишончига путур етказади.
Эрондек бир давлатда сайлов натижаларига қарши намойишлар ўтказилиши, улар устидан бўладиган суднинг собиқ давлат раҳбари томонидан очиқча қораланиши каби фактлар ўзбекларни ўйлантириб қўйиши керак. Ўзини демократик деб эълон қилган мамлакатда, норасмий мухолифатни ҳисобга олмасак, биронта танқидий фикр айтилмаслиги - фақатгина режимнинг кучини эмас, “ҳамма нарса Оллоҳдан, пешонангга ёзилганини кўрасан” шаклида тарбияланган жамиятимизнинг аянчли, балки, қул руҳли аҳволининг ҳам кўрсатгичидир.
Ҳар ҳолда, Эрон мусулмонларини “ҳамма нарса Оллоҳдан, пешонангга ёзилганини кўрасан” эмас, “Оллоҳдан баракат, биздан ҳаракат” руҳида тарибиялашган.
