02 August 2009
01:15 -
Қарши турмасида ётган ҳуқуқ ҳимоячиси Норбой Холжигитовнинг аҳволи оғир
Ўзбекистон инсон ҳуқуқлари жамияти Жиззах вилояти бўлими раиси Бахтиёр Ҳамронинг Бўригул Холжигитовага таяниб маълум қилишича, Қаршидаги 64/49-сонли жазони ижро этиш муассасасида сақланаётган жамият фаоли Норбой Холжигитовнинг аҳволи яна оғирлашган. Ҳуқуқ ҳимоячиси танасидаги қанд миқдори яна-да ошиб, оёқ ва лаблари кўкимтир тусга кирган. Чап қўл ва оёқ соҳаси ҳаракатсизланиб қолган. Боз устига, ўзи ётадиган кўрпа-ёстиғини кир қилди, деган баҳона билан унга муассаса тартибини бузганлик айби қўйилган. “Ташқаридагиларга айтинглар, мени бу ердан чиқаришга ҳаракат қилишсин” деб таъкидлаган умидвор оҳангда ҳуқуқ ҳимоячиси.
