27 July 2009
14:49 -
Сара Пейлин Аляска штатининг губернаторлигини муддатидан олдин топширди
Ўтган йилги АҚШ президент сайловида Жон МакКейн билан бирга вице-президентликка номзод сифатида қатнашган Аляска губернатори Сара Пейлин кеча расман бу лавозимдан истъфо этганини билдирди, дейилади Associated Press агентлигининг хабарида. 45 ёшли губернатор истеъфога кетишини июль ойи бошларида эълон қилган эди. У кеча 5 минг кишилик митингда расман лавозимидан айрилганини билдирди.Сайлов кампанияси давомида ва ундан кейин кетма-кет оиласи ичидаги, хусусан қизлари билан боғлиқ жанжаллар туфайли яна ҳам машҳур бўлиб кетган Сара Пейлин, ўзининг дунё қарашига мос ғояларини бошқа сифат билан яна ҳам самаралироқ амалга ошириши мумкинлигини айтган.
Ўзи аъзоси бўлган Республика партиясининг тарафдорлари орасида ўтказилган сўровнома натижасига кўра, Сара Пейлин 2012 йилда бўладиган сайловда президентликка номзод бўлишининг эҳтимоллиги катта.
Унинг ўрнини шу пайтгача вице-губернатор бўлган Син Парнелл эгаллади, бугун у қасамётга келтирилган.
