02 July 2021
23:17 -
Ўзбекистонда кучайтирилган карантин ва адоғи кўринмайдиган фестивал-у тадбирлар ўтказилмоқда, аммо бу ерда мантиқ борми?
“Республика махсус комиссияси қарори билан 28 июндан пойтахт Тошкент шаҳрига киришда чекловлар ўрнатилди, бутун республика бўйлаб ҳам карантин чоралари кучайтирилди. Аммо жамоат транспортидаги тирбандликлар ва адоғи кўринмайдиган фестивал-у тадбирлар давом эттирилди. Бир-бирига зид ҳолатлар эса кишини таажжубга солади. Ресторанда юқадиган коронавирус байрамда юқмай қоладими?”Мана шу иқтибос Интернетдаги нашрлардан бирининг сайтидан олинди. Унинг муаллифи ҳам маълум. Мана яна битта унинг мақоласидан иқтибос:
“Республика махсус комиссияси қарорига кўра, 23 июнь куни йўналишли автобус ҳайдовчилари (кондукторлари) ва метро кузатувчилари ниқобсиз бўлган шахсларни транспорт воситалари салонига чиқармаслик мажбуриятларини олган эди. Айни пайтдаги вазият шуни кўрсатмоқдаки, жамоат транспортида ижтимоий масофа сақлашнинг деярли иложи йўқ. Метрога тушаётган йўловчилар фақат назоратчи ёнидан ўтаётганидагина ниқоб тақишмоқда. Вагонга киргандан кейин уларнинг ярмидан кўпи бу талабларга умуман риоя қилишмаяпти ва бу назорат қилингани ҳам йўқ.
Сўнгги кунларда Ўзбекистонда коронавирус инфекцияси билан касалланиш ҳолатлари ортиб бормоқда. Буни сўнгги статистик маълумотлар ҳам тасдиқламоқда. 27 июнь куни 469 кишида, 28 июнь куни 498 кишида, 29 июнь куни 487 кишида, 30 июнь куни 476 кишида, 1 июль ҳолатига кўра эса, 495 кишида коронавирус инфекцияси қайд этилган. Кунлик касалланиш ҳолатлари барқарор равишда 500 атрофида бўлиб турибди. Шу нуқтайи назардан, Соғлиқни сақлаш вазирлиги таклифига асосан, Республика махсус комиссияси қарори билан жорий этилган тартиб ва чекловларга қўшимчалар киритилганди.”
Мана яна бошқа бир иқтибос: “Республика махсус комиссияси қарорига кўра, 23 июнь куни йўналишли автобус ҳайдовчилари (кондукторлари) ва метро кузатувчилари ниқобсиз бўлган шахсларни транспорт воситалари салонига чиқармаслик мажбуриятларини олган эди. Айни пайтдаги вазият шуни кўрсатмоқдаки, жамоат транспортида ижтимоий масофа сақлашнинг деярли иложи йўқ. Метрога тушаётган йўловчилар фақат назоратчи ёнидан ўтаётганидагина ниқоб тақишмоқда. Вагонга киргандан кейин уларнинг ярмидан кўпи бу талабларга умуман риоя қилишмаяпти ва бу назорат қилингани ҳам йўқ.”
Мана яна битта иқтибос: “28 июнь, карантин талаблари кучайтирилган кун, Алишер Навоий номидаги Давлат академик катта театри олдида “Таҳсин” мукофотини топшириш маросими бўлиб ўтди.
Унда юзлаб одамлар, хусусан, ҳукумат аъзолари, дипломатик корпус вакиллари, журналист ва блогерлар иштирок этишган. Карантин қоидаларига риоя қилинган ҳолатда ўтказилиши айтилган мазкур тадбир ҳақида ижтимоий тармоқларда тарқалган видеороликлар ва фотосуратлар шуни кўрсатадики, тадбир иштирокчиларининг аксарияти қатъий талабларга риоя қилишмагани, ижтимоий масофа сақлаш фақатгина қоғозда эканлиги аён бўлади.”
Бу каби тадбирларда қатнашганларнинг сони чексиз. Аммо, мақоланинг сўнгида шундай жойлари бор:
“Хулоса ўрнида айтиш мумкинки, 30 июнь ҳолатига кўра Ўзбекистонда 685 минг 569 киши вакцинанинг 3 дозасини ҳам қабул қилган. Бу умумий аҳолининг атиги 2 фоизини ташкил қилади. Мамлакат аҳолисининг 55 фоиздан ортиғи тўлиқ эмланган Исроил каби мамлакатларда ҳам қатъий карантин тартибларига риоя қилинаётган бир пайтда, Ўзбекистонда амалга оширилаётган бир-бирига зид ҳолатлар кишини ажаблантиради.
Бир қарашда одам гавжум жойларда касаллик тарқалиши кўпайишига шубҳа йўқ, чоралар ҳам шунга яраша. Лекин одам энг кўп тўпланадиган бозорни очиб қўйиб, кичик дўкон билан олишишдан нима фойда?”
* * * * *
Мана шу мақоланинг муаллифи “А.З.” бўлиб, у ўз мақоласини ҳамма биладиган машҳур сайтда эълон қилибди. Хўш, энди нима қилиш керак?
Бу муаллифни дарҳол "журналистика" ролидан чиқариб, қамоқхоналардан бирига отиш керакмасми? Керак, чунки, у “мишиқи” ростакам “мишиқидир”. Акс ҳолда, у бундай “мишиқи” мақола чиқарган бўлармиди?
Нима дейсиз, ҳурматли ўқувчиларимиз???
