24 July 2009
11:24 -
Исландия ЕИга аъзо бўлиш учун ариза берди
Шу йил 16 июлда Исландия парламенти Европа Иттифоқига аъзо бўлишга қарор қилганди. Кеча Исландия ҳукумати расман ЕИга бу ҳақда ариза топширган. Ҳозир ЕИда Швеция раислик қилаётгани сабабли, ариза бериш маросими бу мамлакатнинг пойтахти Стокгольмда ўтказилган.Энди Исландиянинг аризаси ЕИга кирувчи 27 мамлакат томонидан тасдиқланиши лозим. Шундан кейин Исландияда референдум ўтказилади ва кўпчилик буни тасдиқласа, Исландия ЕИга қабул қилинади. Ҳамма нарса нормал ҳолда давом этса ҳам, Исландиянинг ЕИга кириши 2013 йилдан олдин бўлолмайди, дейди Reuters агентлиги Исландия паралментининг Евроиттифоқ бўйича комиссияси раиси Тор Сигурдссонга (Arni Thor Sigurdsson) асосланиб.
