Тошкент шаҳар Ички Ишлар Бош Бошқармаси Амир Темур хиёбони олдида рўй берган жанжал юзасидан расмий хабар бергани маҳаллий оммавий ахборот воситаларида билдирилди. Тўғри, бу ерда тушунмовчилик каби нарсалар ҳам бор. Лекин, аслида, у ердаги “жанжал” диний мазмунда бўлган.
Бу ҳақда расмий органларда расмийларнинг чиқишлари тўғри берилган. Аммо, бу ерда ҳам ҳақиқат билан унинг ёнидаги нарсаларнинг фарқига бориш муҳим, дейди “Ҳаракат” мухбири.
Хуллас, расмийлар шундай гаплар айтишган: “Бугун, 28 март куни тахминан соат 15:00-15:15ларда Юнусобод туманидаги Амир Темур хиёбони олдида 3-4 нафар фуқаролар Т.С. исмли йигит ва Б.Р. исмли қизни ЛГБТ фаоллари деб гумонлаб, уларни уришга ҳаракат қилган. Ушбу фуқароларга 20-25 нафар бошқа шахслар қўшилиб, жамиятда юриш-туриш қоидаларини қасддан менсимасдан, безорилик ҳаракатларини содир этишган.
Воқеа жойида хизмат қилаётган Тошкент шаҳар ИИББ ва Миллий гвардия ходимларининг аралашуви билан Т.С. ва Б.Р. ҳимоя қилиниб, уларга тан жароҳати етказилишига йўл қўйилмади.
Ҳуқуқни муҳофаза қилувчи орган ходимларининг ҳамкорликдаги чора-тадбирлари натижасида низонинг оммалашиб кетишининг, шунингдек, бошқа оғирроқ оқибатларнинг олди олинди ҳамда ҳеч кимга шикаст етмади”.
Ўша митинг каби чиқишда иштирок этганларнинг 12 нафари ушланибди. Мазкур ҳолат юзасидан Миробод тумани ИИО ФМБ Тергов Бўлими томонидан Ўзбекистон Республикаси Жиноят кодексининг 277-моддаси 2-қисми (“Безорилик”) аломатлари билан жиноят иши қўзғатилган. Тергов ҳаракатлари давом этмоқда.
Яъни, расмийларга кўра, мазкур жанжалда диний мазмундаги низо бўлмаган.
Ижтимоий тармоқларда Амир Темур хиёбони олдида ЛГБТ фаолларига тўсқинлик қилиш учун бир гуруҳ фаоллар тўплангани ҳақида видеолар тарқалганди. Бунинг ҳам маълум маънода асоси бор.
Аслида, дейди “Ҳаракат” мухбири, бу воқеа ҳам жиддий ўрганилиши ва керакли хулосалар чиқарилиши керак, балки, ШАРТ. Авваллари ҳам кўп марта айтганимиздек, бундай чиқиш ва уларни йўлини тўсиш ўртасида катта тушунмовчиликлар бор, уларни тўғри тушуниб, тўғри хулосалар чиқариш жуда муҳим.
Ҳамма гап, косметик ва ФУНДАМЕНТАЛ ислоҳотларнинг фарқига тўғри етиб боришдир. ФУНДАМЕНТАЛ ислоҳотларнинг марказида “Бирлик” Халқ Ҳаракати Партияси таклиф қилган нарсалар бор – коррупцияни йўқ қилиш, ва айни замонда, ФУНДАМЕНТАЛ ислоҳотлар йўли билан демократияни ҳам олға суриш. Бу нарсаларни Шавкат Мирзиё ва унинг тақими ҳалигача тўла тушунмасдан юришибди.
