Кимга: Буюк Британия Бош вазири Борис Жонсон (Boris Johnson)
АҚШ Давлат котиби Mayк Помпео (Michael Richard Pompeo)
Буюк Британия Бош Прокурори Суелла Браверман (Suella Braverman)
Сизлар Ҳақиқатни билиб оласизлар, Ҳақиқат эса сизларни озод қилади
(Ҳазрати Исо)
Россиянинг Уйғуристонида Хитойнинг иккинчи Уйғуристонига айланаётган Ўзбекистонда - ҳар куни бир тонна олтин қазиб олинаётган, минглаб тонна қимматбаҳо металлар тайёрланаётган - учта олтин заводи бор юртда, юзлаб олтин конлари устида ҳар йили 3500 тонна уран, ҳар йили юз миллиард куб метр газ қазиб олинадиган ўлкада - газ уммонлари устида - халқ очлик зиндонида, совуқ - музлик зиндонида, қуллик ва адолатсизлик зиндонларида геносид этилмоқда. Кўп миллион киши Россияда қул мардикор.
Аёллар ўзларига ўт қўймоқдалар.
Ўқувчилар мактабда очликдан ўлмоқда - коронавирусдан олдин бошланган бу очарчилик. Масалан: Қоракўл туманида 2018 йилда Олтиев Олтибойнинг қизи - мактабда очликдан ўлди.
Шавкат Мирзиёев, Рустам Иноятов, Алишер Усмонов, Абдулазиз Комиловдай Ватанфурушлар, сотқинлар боис олтиндан - кўмиргача, пахтадан - ипаккача , чет эллардан қарз олинаётган миллиардларгача, ҳатто Хитойнинг биалогик қуроли - коронавирус баҳонасида олинган қарзларгача бари Москвага - Кремлга оқмоқда. Шавкат Мирзиёев Москвани нафақат Жаҳон Санксияларидан қутқармоқда, бойитмоқда ҳам.
Манфаат диктатураси ҳукмрон бўлган дунё - глобаллашган ёвузлик, глобаллашган жиноятчилик Шавкат Мирзиёевнинг аллақандай ислоҳатларини олқишламоқда.
Энг даҳшатлиси - ББC ва Озодлик радиоларининг ўзбек тили бўлимларида ишлаётганлар Шавкат Мирзиёев ва КГБ ёлғонларини Жаҳонга тарқатмоқдалар - Гўё ўзбек газини Россия ва Хитой олмай қўйганмиш.
Хўш қаёққа оқаяпди ўша газ?!
Нечун эл ўттиз йилдан буён музда ўтирибди, айниқса коронавирус даврида?!
"ББC"нинг ўзбек бўлими Кремлнинг қули Мирзиёев оиласини олқишлайдиган радиога айланди, Нечун?
Бу - Буюк Британиянинг йўли - Ҳазрати Исо йўлига хиёнат эмасми?!
"Мен - Йўл, Ҳақиқат ва Ҳаётдирман " (Ҳазрати Исо сўзлари).
Бртитания халқи солиғи ҳисобидан хиёнатга пул сарфланмаяпдими?!
Сизлардан ўтиниб сўрайман Ўзбекистонга Ҳазрати Исо кўзлари билан боқинг!
Ҳазрати Исони йиғлатган вайрона Қуддусни кўрасиз!
Очликдан ўлаётган болалар.
Ўзларига ўт қўяётган оналар.
Гўристон босаётган, Ўрис ва Хитой талаётган Ўзбекистон.
Юсуф Жума
Шоир
