07 August 2020
01:19 - Нью-Йорк Фондлар Биржаси ва АҚШ иқтисодиётининг асосий кўрсатгичи бўлган Dow Jones индекси кеча 6 августда 185 поғона юқорига чиқиб, 27 минг 387 бўлди
Хабарларимизни ўқиб бораётган ўқувчиларимиз билишадики, ҳар иш куни Нью-Йорк Фондлар Биржаси ва АҚШ иқтисодиётининг асосий кўрсатгичи бўлган Dow Jones индекси қандай ўзгариб бораётганини кузатиб келмоқдамиз. Чунки, АҚШ ўз иқтисодиётининг кучи билан дунёда етакчи роль ўйнаб келаётган экан, Dow Jones каби индексларни кузатиб бориш муҳим эди.

Эслатиш керакки, Dow Jones индекси 5 августда 373 поғона юқорига чиқиб, 27 минг 202 бўлганди. Кеча 6 августда эса, 185 поғона юқорига чиқиб, 27 минг 387 бўлди. Аммо, унутмайликки, бундай кутилмаган ўзгаришлар зиг-заглар қуршовидаги Dow Jones индексининг касаллиги бўлиши ҳам ўз-ўзидан маълум . Демак, жараёнлар қандай олға кетишини кузатиб бориш керак.

Хуллас, Dow Jones индекси сўнги марта жорийдаги йилнинг 12 февраль куни 29 минг 551 га чиқиб, охирги тарихий рекордни ўрнатган эди. Демак, ўша рекорд даражага қайтиб чиқиш учун Dow Jones индекси яна тахминан 2,1 минг поғонага кўтарилиши лозим. Бир неча кун аввал 3,2 га кўтарилишни гапирган эдик.

Билмаганлар учун ҳам эслатиш керак, АҚШдаги Dow Jones индексининг аҳволи бутун дунё иқтисодиётида ҳам ўзини кўрсатади. Демак, "яхши ният - ярим мол" эканлигини унутмайлик.

Кўраяпмизки, АҚШда ҳам коронавирус пандемияси юқори нуқтадан зиг-загли бўлса ҳам тушиб бормоқда. Шундай экан, Dow Jones индексининг сўнги кунлардаги зиг-загли ўзгаришлари ҳам яхшигина ютуқдир. Ҳақиқий воқеалар қандай бўлишини келаётган кунларда кўрамиз.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону