26 May 2020
12:07 -
Навбатдаги масхарабозлик: Ўзбекистонимизда мактаб дарсликларини такомиллаштириш бўйича кенг жамоатчилик фикрини олиш тизими йўлга қўйилганмиш. “Бирлик” Партияси нима дейди?
Ҳа, айнан шундай, ҳурматли ўқувчиларимиз. Ўзбекистон режимининг қўғирчоқ оммавий ахборот воситалари айнан шу аҳмоқона тезисни муҳокама қилиш билан оворалар.Нимамиш, Халқ Таълими Вазирлиги мамлакатимизда чиқаётган дарсликлар ва ўқув-методик мажмуаларни тайёрлаш, нашр этиш ва тарқатиш тизимини такомиллаштириш, шу жумладан, уларда хато ва камчиликларга йўл қўйилишининг олдини олиш, давлат буюртмасига асосан тайёрланадиган дарсликлар ва ўқув-методик мажмуалардан фойдаланишга бўлган мутлақ ҳуқуқлар ўзига ўтказилганини мадҳ этмоқдамиш.
Ҳамма нарсани мадҳ этишдан осони йўқ. Эслатиш керакки, СССР замонида ҳамма ишлар бу давлатнинг келажагини мадҳ этиш шиорларига асосланарди. Масалан, айнан ўша пайтдаги авлод коммунисзмда яшаши такрорланарди. Хўш, натижа нима бўлди? Ҳаммаёқ дабдала бўлиб, СССРдек давлат ЎЛДИ.
Халқ Таълими Вазирлигининг мадҳиялари ҳам бизни СССР каби ўлимга олиб бориши мутлақо табиийдир. Бу ғариб аҳволдан чиқишў учун, нафақат дарсликлар тайёрлаш, балки, бутун давлатимизнинг тизимида ФУНДАМЕНТАЛ ислоҳотлар ўтказиш керак.
Ҳақиқий мухолифатда бўлган “Бирлик” Халқ Ҳаракати Партияси йиллардан бери Ўзбекистонимиз ФУНДМЕНТАЛ сиёсий ва иқтисодий ислоҳотларга муҳтож эканлигини, бизга айнан ФУНДАМЕНТАЛ ислоҳотлар кераклигини айтиб келмоқда. Аммо, ҳеч ким унга қулоқ солмаяпти.
Шу сабабли, яна қайтарамиз, “Бирлик” таклиф қилаётган ислоҳотларининг асосий ғоялари қуйидагичадир. Ўзбекистонда ўтказиладиган ФУНДАМЕНТАЛ сиёсий ва иқтисодий ислоҳотларнинг марказида, мамлакатимизни ТЎЛА демократиялаштириш ва ТЎЛА бозор иқтисодиётига ўтказиш ғоялари ётибди. Шавкат Мирзиёнинг тақими бундай нарсаларни тушунмайди ҳам. Демак, ҳамма нарсани уни тахтдан туширишдан бошлаш ШАРТ.
Чунки, расмдаги каби одамлар тахтда ўтирар экан, бизда ҳеч нарса ўзгармайди. Қаранг, расмдаги 4 одамдан 2 нафари ниқобда, 2 таси ниқобсиз. Нима, улар касалмилар?
