22 April 2020
14:14 - Россияда ҳалок бўлган 17 нафар фуқаронинг жасади Ўзбекистонга олиб келинди, уларнинг бирортаси ҳам коронавирус инфекциясига чалинмаган экан
Шу йилнинг 20 апрель куни Ташқи Меҳнат Миграцияси Агентлиги Россияда турли бахтсиз ҳодисалар оқибатида ҳалок бўлган 17 нафар фуқароимизнинг жасади мамлакатимизга қайтариб келингани ҳақида хабар тарқатган экан, буни бугун бир қатор маҳаллий оммавий ахборот воситалари ҳам эълон қилдилар.

Ҳалок бўлганларнинг жасади Россия-Қозоғистон-Ўзбекистон йўналиши бўйича автомобиль транспортида олиб келинибди. Бу ҳақда тарқатилган хабарларда “Фуқароларнинг жасадлари Ўзбекистон Республикаси Фавқулодда Вазиятлар Вазирлиги ҳамда Божхона Қўмитаси ходимлари билан ҳамкорликда чегара постидан олиб ўтилиб, яшаш манзиллари бўйича жўнатилди”, - дейилибди.

Аммо, Россияга бу ҳақда қандайдир эътироз билдирилгани ёки билдирилмагани мутлақо тилга олинмаган.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону