Дунёнинг оммавий ахборот воситалари коронавирус юқтирганлар сони жаҳонда 1,5 миллиондан, оламдан ўтганлар сони 90 мингдан ошганини хабар қилмоқдалар.

Коронавирус масаласида оламда биринчи ўринда турган АҚШда аҳвол яхши эмас. Кечагача бу мамлакатда коронавирус юқтирганлар сони 432 минг бўлган, оламдан ўтганлар сони 14 мингдан ошганди. Ўтган куни бир кунда сал кам 2 минг киши бундай касаллик туфайли оламдан ўтгани ҳам айтилмоқда.

Туркияда кеча коронавирус туфайли 96 киши оламдан ўтиб, ўлганларни сони 908 бўлар экан, бу касалликка ёқаланганларнинг умумий сони 42 минг 282 бўлди.