23 March 2020
20:41 - Тошкент шаҳридаги барча буюм бозорлари ва савдо комплекслари фаолияти тўхтатилади. Карантин талабларини бузганлик учун қонунда белгиланган чоралар кўрилади
2020 йил 24 мартдан бошлаб Тошкент шаҳридаги барча буюм, қурилиш материаллари, автомобиль сотуви, маиший-техника, иккиламчи буюмлар бозорлари ва мулкчиликдан қатъий назар барча савдо комплекслари фаолияти вақтинча тўхтатилади.

Пойтахт ҳокимлиги хабарига кўра, фақатгина деҳқон бозорлари, супермаркетлар, озиқ-овқат дўконлари, шифохоналар, поликлиникалар, дорихоналар фаолияти тўхтатилмайди, улар аввалги тартибда ишлашни давом эттиради.

Умумий овқатланиш муассасаларига ёпиқ ҳолатда, яъни мижозларни қабул қилмасдан, фақат таомларни етказиб бериш билан шуғулланади. Бу йўналишда фаолият юритувчи тадбиркорларга таом етказиб бериш хизматларини ривожлантириш тавсия этилди.

Тошкент шаҳар ҳокимлигининг эслатишича, карантин талабларини бузганлик учун қонунда белгиланган чоралар кўрилади.

Аввалроқ, Тошкент вилоятида буюм бозорлари ёпилиши маълум қилинганди. // Kun.uz
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону