Мамлакатимиз Соғлиқни Сақлаш Вазирлиги тарафидан бизда ўзига коронавирус COVID-19 юқтирганлар сони 43 га чиққани эълон қилинди.

Бошқа мамлакатларга нисбатан, бу жуда ҳам кичик рақам. Аммо, шундай бўлса ҳам, Тошкент шаҳри, Қорақалпоғистон Республикаси, вилоятлар марказларида 23 мартдан жамоат жойларида шахсий ҳимоя воситалари, яъни ниқобсиз бўлган шахсларга “огоҳлантириш” берилади. 25 март куни соат 6:00 дан бошлаб, ушбу ҳолат қайд этилса – базавий ҳисоблаш миқдорининг бир баробари миқдорида, мазкур ҳолат яна қайтариладиган бўлса – базавий ҳисоблаш миқдорининг уч баробари миқдорида жарима қўлланилади.

Бир нарсагина аниқ, Соғлиқни Сақлаш Вазирлиги очиқлаётган рақамлар ҳақиқатни ўзида акс эттирмайди. Демак, ҳақиқатни ўзида акс эттирувчи рақамлар эълон қилинишини талаб қилишимиз керак.

Ўзбекистондаги ҳамма ҳуқуқ ҳимоячиси ташкилотларни айнан шу масала билан шуғулланишга чақириш лозим.