20 March 2020
15:34 -
Соғлиқни Сақлаш Вазиримиз Алишер Шодмонов ёлғон гапирмоқда, бизда аҳолининг ўртача умр давомийлиги 65 йилдир
Соғлиқни Сақлаш Вазири Алишер Шодмонов Халқаро пресс клубнинг “Қадамма-қадам” лойиҳаси бўйича йиғилишида чиқиш қилиб, 1991 йилда [ўзбекистонликнинг ўртача умр давомийлиги] 67 ёш эди, 2000-йилларнинг бошида 72, кейин эса 73 ёшга чиқдик, ҳозир бизда ўртача умр давомийлиги 74,6 ёш дебди.Бу тўла ёлғондир, дейди мухбиримиз. Алишер Шодмонов ҳаромий Ислом Каримнинг ёлғонларини гапиришни давом эттирмоқда.
Халқаро веб-сайтларга кирган одам кўра оладики, бизда 2018 йил натижалари бўйича ўртача умр давомийлиги 65,1 йилдир, эркаклар учун 61,1 йил, аёллар учун 68,6 йил.
Эслатиш керакки, Япония, Сингапур ва Франция каби ривожланган давлатларда ўртача умр давомийлиги 81-82 атрофида. Замбия, Ангола, Свазиленд каби давлатларда ўртача умр давомийлиги 40 ёшдан ҳам кам.
Ўзбекистон сал кам 200 давлат ичида 133-чи ўринда. МДҲ давлатлари ичида фақат 135-чи ўриндаги Тожикистондан бироз олдиндамиз.
Билиш керакки, баъзи халқаро сайтларда “кутилаётган ўртача умр давомийлиги” ҳам берилган, аммо қачон кутилаётгани айтилмаган. Расмдаги бечора Алишер Шодмонов ўзи эълон қилган рақамларни ўша сайтлардан олган бўлса керак.
