26 January 2020
13:18 - Томскда ҳалок бўлган ўзбекистонликларнинг жасадлари Тошкентга олиб келингани ҳақида
Kun.uz Интернет нашри Ташқи Ишлар Вазирлиги матбуот хизматига асосланиб хабар беришича, 21 январь куни Томск вилоятидаги ёнғин оқибатида ҳалок бўлган ўзбекистонликларнинг 10 нафарини жасади ватанга қайтарилибди.

Маълум бўлишича, 2020 йил 26 январь куни эрталаб HY-668 рейси билан TИВ, ИИВ ва Tашқи Меҳнат Миграцияси Агентлиги вакилларидан иборат ишчи гуруҳ томонидан Tомск вилояти Aсиновский тумани Причулимский посёлкасида жойлашган ёғочли уй ёниши натижасида ҳалок бўлган 10 нафар Ўзбекистон фуқаросининг жасадлари Tошкент шаҳрига етказилди. У уйнинг расми ҳам хабарга “Ҳаракат” Агентлиги тарафидан яна бир бор илова қилинмоқда.

Қолган икки нафар марҳумнинг жасадлари ДНК таҳлили натижалари аниқлангандан кейин юборилиши ҳам хабарда айтилган. Аммо, ҳалок бўлганлар сони 11 бўлса, қанақасига яна 2 кишининг жасади Ўзбекистонга қайтарилиши ҳақида ҳеч қандай изоҳ берилмаган.

Новосибирскдаги бош консулхона билдиришича, Ўзбекистон фуқаролари ишлаган “GreenWood” MЧЖ ўрмон кесиш компанияси директори ҳуқуқни ҳимоя қилиш идоралари томонидан қўлган олинибди.

Эслатиш керакки, 21 январга ўтар кечаси Россиянинг Томск вилояти Асино туманидаги бир қаватли ёғоч уйда ёнғин рўй бериб, ёнғин оқибатида ҳалок бўлган ўзбекистонликлар сони 11 кишига етгани биз тарафимиздан ҳам хабар қилинган эди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону