13 January 2020
14:43 - Ўзбекистон Марказий Банки сўмнинг 14 январдан кучга кирадиган қийматларини эълон қилди, долларнинг сўмга нисбатан курси кескин ортибди
Марказий Банк 2020 йил 14 январдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини бугун эълон қилди. Мана баъзибир валюталарнинг сўмга нисбатан тайинланган янги ва бир ҳафта аввалги (қавс ичида) курслари:

1 АҚШ доллари – 9550,76 сўм (9507,89 сўм).

1 ЕВРО – 10620.45 (10608,90).

1 Жанубий Корея вони – 8,25 (8,16).

1 Хитой юани – 1380.61 (1365,12).

1 Туркия лираси – ? (?)

1 Россия рубли – 156,59 (153,43).

1 Қозоқ тенгеси – 25,28 (24,83).

Қаранг, долларнинг сўмга нисбатан курси 42,87 сўмга ортибди. Шундан ҳам кўриниб турибдики, Марказий Банк сўнги 3 ҳафта давом этган МАСХАРАБОЗЛИГИНИ тўхтатганга ўхшайди. Бошқа валюталарнинг қиймати ҳам сўмга нисбатан ортганининг катта аҳамияти йўқ.

Унутмайликки, долларнинг сўмга нисбатан курси 1 йилу 6 ойдан бери сал кам тўхтовсиз ортиб бормоқда эди. Лекин, эътибор беринг, Президент Шавкат Мирзиё иқтисодий аҳволимиз, жумладан, сўмимиз, дабдала аҳволда эканлигини ҳеч қаерда тилга олмаяпти. Чунки, УНИНГ МАҚСАДИ – ХАЛҚНИ ЛАҚИЛЛАТИБ ЮРИШ. Яқинда бўлиб ўтган сайловлар арафасида ишларимиз ёмон эмаслигини намойиш қилиш мақсадида масхарабозлик қилинди, сўмнинг курси гўёки ортаётгандек қилиб кўрсатилди. Аммо, унутмайликки, шармандалик ва масхарабозлик Ўзбекистон учун оддий воқеадир.

Эслатиш керак, 2018 йилнинг 1-чи ярмида Ўзбекистон Марказий Банкининг 900 миллион долларлик ёрдами билан сўмнинг курси кескин кўтарилган, аммо, йилнинг 2-чи ярмида Марказий Банкининг ёрдами бўлмагани туфайли сўмнинг қиймати ўпирилиб тушган эди. Бу йил ҳам бечора сўмимизнинг қиймати асосан тушиб борса керак. Демак, ишлар аввалги 1,5 йилдагидан ҳам чатоқ бўлади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону