Қўқон шаҳри марказидаги амфитеатрда қарийб беш кундан бери маҳаллий ва пойтахтлик санъаткорлар иштирокида концерт дастурлари намойиш этилмоқда. Яқин ўтмишдаги Қўқон хони Худоёрхон ўғли Ўрмонбекнинг хатна тўйи муносабати билан элга қирқ кунлик тўй берганини эслатувчи бу тантаналарнинг сабабини мухбирларимиз аниқлай олишмади.

Ёш-ялангларнинг айтишича, шаҳар ҳокимлиги ёшлар ўртасида ҳуқуқбузарликнинг олдини олиш, ёшларни маънавий тарбиялаш учун ҳам бу тадбирларни ташкил этишган. Бироқ шаҳарда “катта”ларнинг ҳуқуқбузарлигини ким бартараф қилиши ҳақида ҳеч ким бош қотирмаяпти.

Вақти келгани учун эслатиб ўтиш керак, Қўқондаги бу амфитеатр бир маҳаллар бирликчиларнинг митинглари билан ҳам машҳур бўлганди. “Бирлик” раиси Абдураҳим Пўлат устидан бу ерда қилган чиқиши туфайли жиноий иш очилгани ҳам тарихий факт.