08 July 2009
00:59 - New Economics: “Ўзбеклар ҳам ер юзидаги бахтли кишилардир”
Британиядаги New Economics жамғармаси томонидан тузилган “Бахтли планета” (Happy Planet Index) рейтингида Ўзбекистон аҳолиси 143 мамлакат одамлари орасида 43-поғонани эгаллаган. Бирмунча нисбий бўлган бахтлилик даражаси қандай мезонларга кўра аниқланган билмадиг-у, мазкур рўйхатни Коста-Рика, Доминикан ва Ямайка бошқариб бормоқда. Европанинг энг бахтли халқи эса голландлар экан.

Бошқа мезонлар бўйича доимо ғолибликни қўлдан бермайдиган америкаликлар бу сафар нисбатан бахтиқаро деб топилибди: 114-ўрин! Шундан ҳам тушунса бўладики, бу рўйхатга танқидий қўз билан қараш, балки рўйхатни тескари тартибда баҳолаш керак..

Шуниси диққатга сазвоворки, МДҲ мамлакатлари орасида бизнинг халқимиз энг бахтлиси экан. Ҳойнаҳой, эрта-индин ўзбек матбуотини бу “бахт” юртбоши Ислом Карим шарофати экани ҳақидаги мақолалар тутиб кетса керак.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону