08 July 2009
00:43 - Испания қироли Ўзбекистонга ташриф буюради
Ўзбекистон Ташқи ишлари вазири Владимир Норовга кўра, Испания қироли Хуан Карлос бир неча ойдан сўнг Тошкентга келади. Бу ҳақда Испания Ташқи ишлари вазири Анхель Моратиноснинг юртимизга амалга оширилган ишчи ташрифи пайтида маълум бўлган.

Маҳаллий оммавий ахборот воситаларида тарқатилган хабарларга қараганда Испания Ташқи ишлари вазири жума куни ўтган пресс-конференцияда Европа Иттифоқида ўз мамлакатининг таъсири ҳамда Ўзбекистоннинг ШҲТга раислигидан фойдаланиб, икки тузилмани яқинлаштириш лозимлигини айтган.

Испания Ташқи ишлари вазири Тошкентдан олдин Остонада бўлгани ва келаси йил ЕХҲТда раисликни ўз қўлига оладиган Қозоғистон президенти Нурсултон Назарбой билан учрашганини ҳисобга олиб тахмин қилиш мумкинки, Испания қироли ҳам аввал Остонага, сўнгра Тошкентга келади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону