07 July 2009
21:48 -
Қирғизистон Манас ҳавобазасини АҚШга қайтарди, навбатда Хонобод
Бугун Қирғизистон президенти Қурмонбек Бақиев Манас ҳавобазасида АҚШ юкларини Афғонистонга ташишга мўлжалланган Транзит Ташиш Маркази тузиш ҳақидаги АҚШ-Қирғизистон шартномасини ратификация қилувчи қонунни имзолгани эълон қилинди. Қирғиз оммавий ахборот воситаларининг билдиришича, 25 июнда парламент томонидан тасдиқланган қонун 2 июлдаёқ президент томонидан имзоланган экан, лекин бу ҳақда хабар бугун эълон қилинмоқда.
Манас авибазасидан АҚШнинг фойдаланиши атрофидаги воқеалар шубҳаликдан кўпроқ ножиддийликка ўхшаб кетди, дейди мухбиримиз. Шу йил февраль ойида Қирғизистон ҳукумати Россиянинг босими остида АҚШнинг Манасдаги базасини 18 августдан бекитилиши ҳақида қарор чиқарган эди. 22 июнда база ўрнида Транзит Ташиш Маркази яратишга келишилди ва бу ҳақдаги қарор бугун кучга кирди. Транзит Ташиш Марказининг мақоми аввалги базанинг мақомидан деярли фарқ қилмаслигини алоҳида айтиб ўтиш муҳим.
Шундай экан, Манас атрофида, тўғрироғи АҚШнинг Марказий Осиёдаги позицияси атрофида нималар бўлаяпти ўзи, деган савол туғилиши табиий.
Кўринб турибдики, бу масалада Қирғизистоннинг ҳал қилувчи сўзга ҳаққи йўқ. Қарорлар Москвада олинмоқда. Демак, саволни бошқачароқ қўйиш керак – Россия-АҚШ муносабатларига нима бўлмоқда ўзи?
Табиий, бу саволга асосли жавоб бериш учун дунёдаги вазиятни чуқур анализ қилиш лозим. Уни қисқа хабар доирасида қилиб бўлмайди. Энг қисқа шаклдаги жавоб эса қуйидагича.
Асосан нефтнинг нархи ошиши туфайли Ельциндан совға каби олган ўз ҳокимиятини осонликча мустаҳкамлаб олган Владимир Путин, реалликни унута бошлади ва энди АҚШга ҳам ўз ҳукмимни ўтказа оламан деган хато хулосага борди. Аммо, ўтган йили бошланган молиявий-иқтисодий инқироз ҳамма нарсани жой-жойига қўйди. Кун сайин иқтисоди заифлашиб бораётган Россиянинг ҳукмдори Путининг эс-ҳуши жойига келмоқда.
Шу сабабли, Манас ҳавобазаси феълан АҚШга қайтарилди. Энди навбат Хонобод аэропортида эмасми?
Манас авибазасидан АҚШнинг фойдаланиши атрофидаги воқеалар шубҳаликдан кўпроқ ножиддийликка ўхшаб кетди, дейди мухбиримиз. Шу йил февраль ойида Қирғизистон ҳукумати Россиянинг босими остида АҚШнинг Манасдаги базасини 18 августдан бекитилиши ҳақида қарор чиқарган эди. 22 июнда база ўрнида Транзит Ташиш Маркази яратишга келишилди ва бу ҳақдаги қарор бугун кучга кирди. Транзит Ташиш Марказининг мақоми аввалги базанинг мақомидан деярли фарқ қилмаслигини алоҳида айтиб ўтиш муҳим.
Шундай экан, Манас атрофида, тўғрироғи АҚШнинг Марказий Осиёдаги позицияси атрофида нималар бўлаяпти ўзи, деган савол туғилиши табиий.
Кўринб турибдики, бу масалада Қирғизистоннинг ҳал қилувчи сўзга ҳаққи йўқ. Қарорлар Москвада олинмоқда. Демак, саволни бошқачароқ қўйиш керак – Россия-АҚШ муносабатларига нима бўлмоқда ўзи?
Табиий, бу саволга асосли жавоб бериш учун дунёдаги вазиятни чуқур анализ қилиш лозим. Уни қисқа хабар доирасида қилиб бўлмайди. Энг қисқа шаклдаги жавоб эса қуйидагича.
Асосан нефтнинг нархи ошиши туфайли Ельциндан совға каби олган ўз ҳокимиятини осонликча мустаҳкамлаб олган Владимир Путин, реалликни унута бошлади ва энди АҚШга ҳам ўз ҳукмимни ўтказа оламан деган хато хулосага борди. Аммо, ўтган йили бошланган молиявий-иқтисодий инқироз ҳамма нарсани жой-жойига қўйди. Кун сайин иқтисоди заифлашиб бораётган Россиянинг ҳукмдори Путининг эс-ҳуши жойига келмоқда.
Шу сабабли, Манас ҳавобазаси феълан АҚШга қайтарилди. Энди навбат Хонобод аэропортида эмасми?
