07 October 2019
14:36 - Ўзбекистон Марказий Банки сўмнинг бошқа валюталарга нисбатан 8 октябрда кучга кирадиган курсларини кеча эълон қилди, СЎМнинг долларга нисбатан қиймати бироз ортибди
Марказий Банк 2019 йил 8 октябрдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини бугун эълон қилди. Мана баъзибир валюталарнинг сўмга нисбатан тайинланган янги ва бир ҳафта аввалги (қавс ичида) курслари:

1 АҚШ доллари – 9433,34 сўм (9446,65 сўм)

1 ЕВРО – 10354,03 (10332,75)

1 Жанубий Корея вони – ? (?)

1 Хитой юани – 1319,77 (1326,44)

1 Туркия лираси – ? (?)

1 Россия рубли – 145,75 (146,19)

1 Қозоқ тенгеси – 24,26 (24,35)

Кўриб турибсизки, долларнинг курси охирги ҳафта 13,31 сўмга тушиб, 9433,34 сўм бўлибди. Евродан бошқа валюталарнинг курси ҳам бироз тушган. Марказий Банк ҳозир сайловолди кампанияси даврида сўмнинг тушиш, яъни долларнинг ортиш даражасини иложи борича камайтириб кўрсатса керак деб аввал хабар қилган эдик. Айнан шундай бўлмоқда, сўмнинг қиймати долларга нисбатан бироз ошгани навбатдаги МАСХАРАБОЗЛИК эканлиги ҳам ўз-ўзидан маълум.

Қолаверса, долларнинг сўмга нисбатан курси 1 йилу 3 ойдан бери тўхтовсиз ортиб бораётганини унутмайлик. Лекин, эътибор беринг, Президент Шавкат Мирзиё иқтисодий аҳволимиз, жумладан, сўмимиз, дабдала аҳволда эканлигини ҳеч қаерда тилга олмаяпти. Чунки, УНИНГ МАҚСАДИ – ХАЛҚНИ ЛАҚИЛЛАТИБ ЮРИШ.

Эслатиш керак, 2018 йилнинг 1-чи ярмида Ўзбекистон Марказий Банкининг 900 миллион долларлик ёрдами билан сўмнинг курси кескин кўтарилган, аммо, йилнинг 2-чи ярмида Марказий Банкининг ёрдами бўлмагани туфайли сўмнинг қиймати ўпирилиб тушган эди. Бу йил бечора сўмимиз асосан тушиб бормоқда. Демак, ишлар аввалги йилдагидан ҳам чатоқ бўлади.

Табиий, валюта қийматларини белгилаш чоғида, ҳар доимгидек, Марказий Банк мазкур валюталарни ушбу қийматда сотиш ёки сотиб олиш мажбуриятини ҳам олмаган. Яъни, Ўзбекистонда ҳали ҳам эркин валюта бозори йўқ. Социалистик иқтисодиёт билан яшаётган Ўзбекистон каби мамлакатда бўлолмайди ҳам.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону