05 July 2009
22:29 - Обама либерал рус газетасига интервью берганини Reuters хабар қилди, газетанинг ўзи дам олишда
Америкалик Reuters агентлиги бугун АҚШ президенти Барак Обама русларнинг “Янги газета” (Новая газета) номли газетасига интервью берганини билдирди. Суҳбатнинг тўла матни Обама Москвага келган кунлари эълон қилинар экан. “Янги газета”нинг ўзи ва сайти бугун дам олишда

Бу либерал-демократ руҳдаги газетага шу йилнинг 15 апрелида Россия президенти Дмитирий Медведав ҳам президент сифатидаги қоғозли нашрга биринчи интервьюсини берганди. Гезетани бутун дунёга танитган воқеа эса, бу газетада ишлайдиган журналист Галина Политковскаянинг 2006 йилда ўз уйи олдида ўлдириб кетилиши бўлган.

Reuters агентлиги тарқатган хабардан кўриниб турибдики, Обаманинг бу интервьюсида ҳеч янги бир нарса йўқ. АҚШ президенти Россия билан алоқаларни “янгидан ўрнатиш” ниятини яна қайтарган, Россия билан биргаликда “демократия, инсон ҳуқуқлари ва қонун устиворлигини мустаҳкамлаш” йўналишида иш олиб боришини айтган.

Ҳозир кўриниб турибдики, дейди “Ҳаракат” мухбири, Обама Россия билан алоқаларининг стратегик йўналишини ҳали белгилаб олмаган. Путин ва Медведев билан учрашувларнинг асосий мақсади – стратегияни белгилаб олиш йўлидаги асосий нуқталардан бири бўлса керак.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону