29 May 2019
11:33 - Ёлғондакам сенсацияларнинг сенсацияси: Ўзбекистонда немисларнинг Volkswagen автомобиллари ишлаб чиқарилармиш
Ўзбекистонда ҳукмронлик қилаётган тожиклар режимининг қўғирчоқ ахборот воситалари, ҳеч қандай таҳлилсиз, мамлакатимизда немисларнинг Volkswagen автомобилларини ишлаб чиқариш ҳақида икки томонлама ҳужжат имзоланганини айтмоқдалар. Аммо, бу ҳужжат меморандумми, яъни шунчаки келишувми ёки жиддий ҳужжатми? Хабарларда бу саволга жавоб йўқ.

Тахмин қилиш мумкинки, бу шунчаки келишув ва қоғозда қолиб кетадиган келишув. Чунки, ғариб аҳволдаги Ўзбекистон ҳозир Volkswagen автомобиллари ишлаб чиқаришга қодир эмас. Балки, Германия ва бошқа мамлакатлардан бу автомобилларнинг тайёр қисмлари олиб келиниб, бизда улар фақат йиғилади. Бироқ, тайёр қисмларни олиб келиш тўхтаганда, бизда бундай атомобилларни йиғиш ҳам тўхтайди.

Фараз қилайлик, бизда Volkswagen автомобиллари йиғилади. Аммо, унинг нархи қанча бўлади? Ўзбекистонда аҳолининг ўртача ойлиги ривожланган давлатлардан 20-40 баравар камлигини қўйиб туринг, ҳатто қўшниларимиз Россия ва Қозоғистондан кўп марта камлигини ҳисобга олсак, бизда бундай автомобилларни давлат системасида ишлаб, порхўрлик вак оррупция ҳисобига бойиб олганларгина сотиб ололадилар. Нима, мақсад улар учун Ўзбекистонда автомобиллар йиғишми?

Шундай саволларга жавоб қидирсангиз, бизда Volkswagen автомобилларини ишлаб чиқариш эмас, уларни йиғиш – сенсацияларнинг сенсацияси бўлишини тушунасиз.

Дарвоқе, Volkswagen компаниясининг Интернетдаги сайтида айтилишича, ҳозир бу компания 17 хил автомобиль модели ишлаб чиқармоқда. Уларнинг энг арзони бўлган Sedan автомобилининг нархи $18,745 дан бошланади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону