28 May 2019
20:15 -
Украина Президенти Зеленский собиқ Гуржистон президенти Саакашвилининг Украина фуқаролигини тиклади
Украина оммавий ахборот воситалари мамлакатнинг жорийдаги Президенти Владимир Зеленский Гуржистонинг собиқ президенти, Одессанинг собиқ губернатори Михаил Саакашвилининг Украина фуқаролигини тиклаганини хабар қилмоқдалар. Тўғрироғи, Зеленский аввалги президент Петр Порошенко имзолаган Саакашвилининг Украина фуқаролигини бекор қилувчи фармонини бекор қилибди.Маълумки, ҳозир Михаил Саакашвили ўз турмуш ўртоғининг ватани Голландияда ва АҚШда яшайди. У ўтган йилнинг бошларида Украинага Польша орқали ноқонуний кирганда, уни ушлашган ва суднинг ҳукми билан Польшага қайтариб юборишган эди.
Хабарларга кўра, Саакашвили Украина Президентига Украина фуқаролигини тиклагани учун миннатдорчилик билдирибди ва ҳаммага, аввал ваъда қилганидек, 31 май куни Украинага қайтиб келиш ниятини қайтадан етказибди.
Украинада вазият мураккаблигини ҳисобга олиб, Михаил Саакашвилининг қайтиб келиши қандай натижалар беришини тахмин қилиш ҳам қийин.
