13 May 2019
21:20 - Яна масхарабозлик: Шавкат Мирзиё хорижий инвестициялар иштирокидаги лойиҳаларни амалга ошириш масаласини кўриб чиқиш учун кимлар биландир фойдасиз йиғилиш ўтказибди
Ўзбекистонда ҳукмронлик қилаётган тожиклар режимининг бош қўғирчоқ ахборот воситаси ЎзА ҳеч қандай таҳлилсиз Ўзбекистон Президенти Шавкат Мирзиё 13 май куни хорижий инвестициялар иштирокидаги устувор лойиҳаларни амалга оширишни жадаллаштириш масалаларига бағишланган йиғилиш ўтказганини хабар қилди.

Бу хабарга илова қилинган биттагина расмдан кўриниб турибдики, биронтасининг исми ва лавозими тилга олинмаган йиғилиш қатнашчилари, ёш болалардек, Шавкат Мирзиёнинг лекциясини конспект қилиш билан машғуллар. Унинг лекцияси ҳар доимгидек битта нарсани урғулашга бағишланган. Бу нарса Шавкат Мирзиёнинг лекциясида шундай ифодаланган: “Инвестиция иқтисодиёт ривожи, халқимиз ҳаёт сифати ва фаровонлигини таъминлайдиган асосий манбалардан биридир. Ривожланган давлатлар билан муносабатларимиз янги босқичга кўтарилганидан келиб чиқиб, жадал ва тизимли ишлашимиз керак.”

Хабарда айтилишича, бу йиғилишда хорижий инвестициялар иштирокидаги устувор лойиҳалар бўйича олиб борилаётган ишлар юзасидан мутасаддиларнинг ҳисоботлари ҳам тингланибди. Аммо, гўёки ҳисоботларда нима дейилгани ҳам хабарда тилга олинмаган.

Энг қизиғи, Шавкат Мирзиёнинг йиғилишда берилган топшириқлар юзасидан тегишли чора-тадбирлар белгиланибди. Аммо, қандай чора-тадбирлар белгиланганини хабарда айтишни ЎзАнинг журналистлари эсларидан чиқаришибди.

Хуллас, кўриниб турибдики, бугун ўзига бошқа иш тополмаган Шавкат Мирзиё навбатдаги масхарабозлик йиғилишини ўтказибди. Шундай экан, авваллари ҳам кўп марта айтган фикрларимизни яна такрорлаймиз.

Халқ майдонларга чиқиб, Шавкат Мирзиёнинг мавжуд тожиклар режимидан Ўзбекистонда фундаментал сиёсий ва иқтисодий ислоҳотлар ўтказишни талаб қилиши керак.

Вақти келгани учун эслатамиз, фундаментал сиёсий ислоҳотларнинг марказида, “Бирлик” Партияси ва унинг жарчиси бўлган “Ҳаракат” Агентлиги йиллардан бери тўхтамасдан такрорлаётгандек, давлатни демократиялаштириш, қўғирчоқ Олий Мажлис ва қўғирчоқ партиялардан тозаланиш, ҳақиқий демократик мухолифат иштирокида сайловлар билан Олий Мажлисни янгилаш, ошкоралик ва сўз эркинлигига йўл бериш каби ғоялар ётади.

Фундаментал молиявий-иқтисодий ислоҳотларнинг марказида эса, тўла бозор иқтисодиётига ўтиш, биринчи навбатда, катта бойлар, яъни инвесторлар синфи яратиш йўлига Ислом Карим ва Шавкат Мирзиё қўйган жинояткорона тўсиқларни олиб ташлаш ғояси борлигини урғулаш ҳам муҳимдир. Чет эллик инвесторлардан фойда кам бўлади, чунки, улар авваламбор ўз фойдаларини ўйлайдилар. Ўзбекистон тўла бозор иқтисодиётига ўтса, ўзимизнинг инвесторлар синфи яратилади ва ўз инвесторларимиз ҳамма муаммоларни Шавкат Мирзиёнинг йиғилишларисиз ҳам ҳал қиладилар.

Бундай фундаментал ислоҳотларни амалга ошириш учун тажрибали давлат арбоби, аввалги Бош вазир ўринбосари Рустам Азимни жойига қайтариш керак.

Ўта мураккаб ва қоришиқ бўлган фундаментал ислоҳотларни “Бирлик” каби ҳақиқий демократик партияларнинг иштирокисиз мавжуд режимнинг ўзи қилолмайди. Шундай экан, Президент Шавкат Мирзиё “Толибон” каби террорист ташкилотлар билан эмас, “Бирлик” Халқ Ҳаракати Партияси билан музокаралар олиб бориш ва бирга ишлашни ўйлаши керак.

Бошқа йўл йўқ. Акс ҳолда, халқ майдонларга бизнинг чақириғимиз билан чиқиб, шундай ислоҳотлар ўтказишни талаб қилишга мажбур бўлади.

Расмда - "Бирлик" Халқ Ҳаракатининг 1989 йил 21 сентябрь куни Навоий кўчасида ўтказган ва ўша пайтдаги диктатор Ислом Каримни даҳшатга туширган намойишларидан бирини кўрмоқдасиз. Ўшанда ичимиздан чиққан Салой Мадамин (адабий таҳаллуси - Муҳаммад Солих) раҳабарлигидаги сотқинлар гуруҳи орқамиздан пичоқ уриб, тожик аслли ҳаромий Ислом Каримнинг ҳокимиятини мустаҳкамлаб берган эдилар. Ҳозир яна шу каби намойишлар ўтказиш вақти келмоқда, аммо, ичимиздан яна сотқинлар чиқишига йўл бермаймиз.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону