07 April 2019
21:19 - Шавкат Мирзиёнинг маддоҳи Адҳамбек Рашидбек Халқаро Меҳнат Ташкилотининг Ўзбекистон бўйича ҳисоботини аҳмоқона шарҳлабди
Kun.uz сайтининг бугун тарқатилган хабарида айтилишича, Ўзбекистон Республикаси Президенти ҳузуридаги Стратегик ва минтақалараро тадқиқотлар институти (СМТИ) етакчи илмий ходими Адҳамбек Рашидбеков Халқаро Меҳнат Ташкилотининг (ХМТ) “Ўзбекистонда 2018 йилда пахта мавсумида болалар меҳнати ва мажбурий меҳнатдан фойдаланиш ҳақида”ги ҳисоботига қисқача шарҳ берибди.

Халқаро меҳнат ташкилоти ҳисоботида Ўзбекистон болалар меҳнати ва мажбурий меҳнатни бартараф этишда сезиларли ижобий ўзгаришларга эришгани қайд этилгани, жумладан, Ўзбекистон ҳукумати бу борада “қатъий сиёсий ирода намойиш этяпти ва мажбурий меҳнат билан боғлиқ муаммони ечиш учун изчил саъй-ҳаракатлар олиб бораяпти” деб таъкидлагани эслатган Адҳамбек Рашидбеков шундай хулоса чиқарибди:

“Ўзбекистоннинг бу борада юритаётган сиёсати иқтисодий самара бериши турган гап. Сабаби, юқорида қайд этилган ижобий ўзгаришлар ўзбек пахтасининг экспорт географияси кенгайишига хизмат қилиб, маҳаллий текстил ва енгил саноат маҳсулотлари самарадорлиги ошиши ҳамда соҳага инвестиция ва технологиялар кириб келишига туртки беради.”

Шавкат Мирзиёнинг маддоҳи бўлган Адҳамбек Рашидбековнинг бу фикри тўғри эмас, дейди “Ҳаракат” мухбири.

Биринчидан, айтиш керакки, Ўзбекистонда ҳукмронлик қилаётган тожиклар режими болалар меҳнати ва мажбурий меҳнатни бартараф этиш масаласида ўз ташаббуси билан ҳеч нарса қилмаган. Уни бу йўналишда ижобий қадамлар қилишга Ўзбекистондаги ҳуқуқ ҳимоячилари ва демократлари мажбур қилишда. Мажбуран қилинган билан иш билан мақтанишнинг ўзи аҳмоқликдир.

Иккинчидан, пахта теримига режимнинг топширишғи билан мактаб ва олий таълим муассасалари ўқувчиларини ҳамда пахтачиликка ҳеч қандай алоқаси бўлмаган давлат хизматчиларини мажбуран тортишлари билан МУАММО БИТГАНИ ЙЎҚ. Авваламбор, пахта етиштирувчиларга ўзлари етиштирган пахтани ўзлари истаган жойда, ўзлари истаган нархда сотиш имкони берилиши керак. Ана ўшанда пахта етиштирувчилар чет элларда қуллардек ишлаётган ватандошларимизни катта пул бериш ваъдаси билан ўзимизда пахта теришга чақириб келишади.

Яъни, қисқа қилиб айтсак, СССРдан қолган социалистик иқтисодиёт билан яшаётган Ўзбекистонни ўта тезлик билан тўла бозор иқтисодиётига ўтказиш ШАРТ. Бизда ҳозирча, майда тадбиркорликка рухсат берилганини ҳисобга олмасак, давлатимиз маъмурий-буйруқбозлик, яъни социалистик иқтисодиёт билан яшамоқда. Айнан шу сабабли, Адҳамбек Рашидбеков каби маддоҳлар "пахта теримига болалар олиб чиқилмаса, пахтани ким тераётган экан?" деб ўйлаб ҳам ўтирмасдан, ўзларича гуллаб-яшнаб ҳаёт кечирмоқдалар. Табиий, порхўрлик билан.

Демак, аввалари ҳам айтиб келган фикрларимизни такрорлашга мажбурмиз. Шавкат Мирзиёнинг тожиклар режимидан Ўзбекистонда ФУНДАМЕНТАЛ СИЁСИЙ ВА ИҚТИСОДИЙ ИСЛОҲОТЛАР ўтказишни очиқча талаб қилиши керак.

Фундаментал сиёсий ислоҳотларнинг марказида, “Бирлик” Партияси ва унинг жарчиси бўлган “Ҳаракат” Агентлиги йиллардан бери тўхтамасдан такрорлаётгандек, давлатни демократиялаштириш, қўғирчоқ Олий Мажлис ва қўғирчоқ партиялардан тозаланиш, ҳақиқий демократик мухолифат иштирокида сайловлар билан Олий Мажлисни янгилаш, ошкоралик ва сўз эркинлигига йўл бериш каби ғоялар ётади.

Фундаментал молиявий-иқтисодий ислоҳотларнинг марказида эса, тўла бозор иқтисодиётига ўтиш, биринчи навбатда, катта бойлар, яъни инвесторлар синфи яратиш йўлига Ислом Карим ва Шавкат Мирзиё қўйган жинояткорона тўсиқларни олиб ташлаш ғояси борлигини урғулаш ҳам муҳимдир. Чет эллик инвесторлардан фойда кам бўлади, чунки, улар авваламбор ўз фойдаларини ўйлайдилар. Ўзимизнинг инвесторларимиз синфини яратиш шарт.

Бундай фундаментал ислоҳотларни амалга ошириш учун тажрибали давлат арбоби, аввалги Бош вазир ўринбосари Рустам Азимни жойига қайтариш керак.

Ўта мураккаб ва қоришиқ бўлган фундаментал ислоҳотларни “Бирлик” каби ҳақиқий демократик партияларнинг иштирокисиз мавжуд режимнинг ўзи қилолмайди. Шундай экан, Президент Шавкат Мирзиё “Толибон” каби террорист ташкилотлар билан эмас, “Бирлик” Халқ Ҳаракати Партияси билан музокаралар олиб бориш ва бирга ишлашни ўйлаши керак.

Бошқа йўл йўқ. Акс ҳолда, бизнинг чақириғимиз билан халқ майдонларга чиқиб, шундай ислоҳотлар ўтказишни мавжуд режимдан талаб қилишга мажбур бўлади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону