02 July 2009
02:45 - Эронда Буюкбритания элчихонасининг яна икки ходими озод қилинган, улар Эрон фуқаролари
Бу мамлакатда 12 июнь куни ўтказилган президент сайлови натижаларини тан олмасдан норозилик намойишларига чиққан президентликка номзод Мусави тарафдорларига ёрдам беришда айбланиб ҳибсга олинган Буюкбритания элчихонасининг икки ходими бугун озод қилинди, деб хабар берди Reuters агентлиги.

2-3 кун олдин Буюкбритания элчихонасининг 8 ходими ҳибсга олинган, кеча улардан 5 нафари озод қилинганди. Демак, ҳали бир одам ҳибсда сақланмоқда.

Шуни ҳам айтиш керакки, аввалги хабарларда ҳибсга олинганар қайси мамлакат фуқароси эканлиги айтилмаса ҳам, улар дипломат мақомига эга бўлмаган одамлар эканлиги кўриниб турарди. Бугунги хабарларда билдирилишича, ҳибсга олинганларнинг ҳаммаси Эрон фуқаролари экан.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону