Бир неча кун олдин сайтимизда президентнинг қизи Гулнорага тегишли FORUM TV канали эшиттиришларини сателлит орқали тарқатиш тўхтаб қолганлиги ҳақида хабар берилган эди. Олдинги хабар "19:31 - Гулноранинг Forum TV канали сателит орқали тарқатилмай қолди" шу ерда

Кечадан бошлаб Express AM1 40°E сателлити орқали эшиттиришлари тарқатиладиган FORUM TV канали ўрнида NTT Uzbekistan деб номланган канал пайдо бўлди. Бу янги каналнинг, мазмун ва моҳияти билан, аввалги FORUM TV каналидан фарқи йўқ. Ўша-ўша - рақс ва фильмлар. Канални номи ўзгариши билан кўрсатувларнинг моҳияти ўзгармаганидан шундай хулосага келиш керак: Кимгадир каналнинг номини ўзгартириб, бу канал - янги каналдир, деган фикр уйғотиш керак бўлган, тўғрироғи, кимларнидир ёки қайсидир давлат муассасаларини алдаш керак бўлган.

Табиий, бундай ўйиндан манфаатдор фақат бир одам бўлиши мумкин – президентнинг қизи. Гулнорага бундай қилиш нима учун керак деган саволга жавоб ҳам олдиндан аниқ: янги бошлаган лойиҳага пул тўплаш учун.

Аввалги хабаримизда Гулнора Ўзбекистон бизнесменларига солиқ солиб пул тўплагандан кейин канални қайтадан ишга солса керак, деб тахмин қилган эдик. Кўринишидан, Гулнора канални фаолиятини тиклашга эмас, янги канални сателлит орқали кўрсатиш учун деб солиқ солганга ўхшайди. Ҳарҳолда, янги каналга каттароқ солиқ солинган бўлса ажаб эмас.