12 June 2009
10:17 - Юлия Тимошенконинг йиғи-сиғиси ўзбек мухолифатчиларини ҳайрон қолдирмайди
Охирги ойларда, мамлакат ичкарисида руспараст Регионлар Партияси, юрт ташқарисида Россининг хўжайини Владимир Путин тарафидан қўллаб-қувватланиб келган Украина бош вазири Юлия Тимошенко очиқчасига ўзининг зарғалдоқ инқилоби вақтларидаги сафдоши президент Виктор Юшченкога қарши фаолият олиб борди. Юлия Тимошенко ва Виктор Янукович жорийдаги президентни ҳеч бир ваколати бўлмаган сиёсий шахсга айлантириб қўйиш учун интилардилар. Улар учун миллат ва мамлакат манфаатлари иккинчи даражали нарсага айланиб қолгани кўриниб турарди.

Эҳтирос билан кутилаётган Тимошенко-Янукевич коалициясининг охирги дақиқада амалга ошмай қолгани, бу иккала лидернинг обрўсини бир пул қилганини гапириб ўтириш ҳам ортиқча. Зарғалдоқ инқилобининг маликаси номини олиб, шуҳрат қозонган Юлия Тимошенконинг энди йиғи-сиғи бошлагани эаса, жуда қизиқ.

Кеча Украина телевидениесининг “5 канал”ига интервью берган Юлия Тимошенко шундай дебди: “Ҳозир ҳамма нарса барбод бўлгандан кейин Янукевич билан Юшченко тил бириктириб, мени ўша коалиция тузиш музокараларига тортишмадимикан, деб ўйлаяпман. Аслида, у музокаралар мамлакат учун ягона чиқиш йўли эди. Одамлар ва мамлакат келажаги олдида маъсулияти бор одам сифатида, инқироздан чиқишни ўйлаб коалиция музокараларига киргандим. Ҳозир ўйлаяпман, улар мени кейин дискридитация қилиш ва “улоқтириш” учун аввалдан тил бириктириб бу ишга жалб қилишмадими?”

Яъни, Тимошенко ўзини тузоққа туширилган ёш боладек тутмоқда. Аслида эса, у “шуҳрат” имтихонидан ўтолмади. Ҳозир у, керак бўлса, президентлик учун курашишдан ҳам воз кечишга тайёр эканлигини гапириши – “сиёсий ўлим” олдидан қилинган эътирофдир.

Бу каби воқеалар, ҳокимият эмас, мухолифат доирасида бўлгани учун ташқаридан унчалик кўринмаса ҳам, ўзбекларга аввалдан таниш.

“Бирлик” тузилган вақтда унинг шуҳратидан боши айланиб қолган Салой Мадамин ўзига ўхшаш икки хоин укаси учун 53-54 сонли иккита квартира олиш учун Ислом Каримга сотилгани ва ишлатилиб бўлингач, айнан Ислом Карим томонидан бир тепиб улоқтирилганини ҳамма билади. Шу сабабли, “Эрк” партиянинг 53-54-чилар деб танилган фракцияси битди. Энди Салой Мадамин ақли соқолининг узунлигига тескари пропорционал бўлган фанатикларнинг хизматига ўтгани ҳеч нарсани ўзгартиролмайди.

2002-03 йиллари “Бирлик”нинг қайтадан оёққа туришига хизмати синган Исмоил Дадажон ҳам “шуҳрат” имтихонидан ўтолмаганлардан. У ҳизбутаҳрирчилар тузоғига тушиб, “Бирлик”нинг оёғига болта урушга роса ҳаракат қилди, қилолмагананда кейин хунаса-чориевларнинг хизматига ўтиши - унинг сиёсий ўлимидир.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону