10 June 2009
23:14 -
Дилмурод Саййиднинг судида 16 июнга қадар танаффус эълон қилинди
Бугун жиноят ишлари бўйича Тойлоқ тумани судидан хабар қилган мухбирларимиз эрталаб очилган суд мажлисининг тўхтатилгани ва маҳкама 16 июнь, сешанбага қадар танаффус эълон қилганини таъкидлади. Сабаб - маҳкамада жабрланувчи сифатида иштирок этаётган Аслиддин Ўринбоев ўзига янги адвокат олган, у иш билан таниш бўлмагани учун суд яна чўзиладиган бўлди. Бундан ташқари аввалги суд мажлисларида жабрланувчиларга нисбатан Жомбой тумани ИИБ томонидан қўзғатилган жиноят иши материаллари ҳам ҳали ишга қўшилмаган. Шу боисдан кечаги судда айбланувчиларга Самарқанд вилояти прокуратурасининг айблов хулосаси ўқиб эшиттирилди ва қисман суд терговлари ўтказилган, дейди мухбиримиз.
