10 June 2009
20:18 -
Ўзбек қочқинининг Олмаотадаги саргузаштлари
Бугун Москвадаги “Мемориал” Марказининг Марказий Осиё Программаси директори Виталий Пономарев тарқатган хабардан маълум бўлишича, Олмаотада турган бир гуруҳ ўзбек мусулмон-қочқинлар ҳуқуқ ҳимоячиси ташкилотларга мурожаат қилиб, қочқинлик мақоми олиш учун ҳаракат қилаётган Аҳмад Олимович Болтаев билан бўлган воқеани билдиришган.
Маълум бўлишича, шу йил 2 июнда Қозоғистон Миллий Хафсизлик Комитети Олмаота департаментининг ходимлари Аҳмад Болтаевни “барахолка” бозорида ушлаб, қўлларига кишан солинган ҳолда Департамент биносига олиб келишган, Ўзбекистон уни халқаро қидирувга бергани ҳақидаги ҳужжатни кўрсатишган ва сўроқ қилишган, дўқ-пўписа қилишган, қийноққа солишган. У Ўзбекистон ЖКсининг бир қатор моддалари билан айлабанаётган экан. Булар - 159-чи модда (конституцион тузумга тажовуз), 216 (тақиқланган диний гуруҳлар тузиш), 226 (жиноий гуруҳлар ташкил этиш) ва бошқалар.
Шунда Болтаев сўроқ қилувчиларга қочқин мақоми олиш ҳаракатида юрганини исботловчи БМТнинг Қочқинлар бўйича Бош Комиссарлиги (ҚБК) тарафидан берилган сертификатни кўрсатса ҳам, у Турксиб туман милициясининг изоляторига қамаб қўйилади. Оиласи ва Бош Комиссарликнинг Олмаотадаги офиси билан алоқа қилишга рухсат берилмайди. Эртаси куни уни бошқа ерга кўчиришаётганда, у телефон орқали хотини билан боғланиб, воқеани билдиришга муваффақ бўлади. Ишга Бош Комиссарилик ходимлари аралашгач, 4 июнь куни кечқурун уни қўйиб юборишади.
Мемориалнинг хабарида айтилишича, 1968 йилда туғилган Болтаев 2000 йида Ўзбекистонда диний характердаги айбловлар билан 20 йилга озодликдан маҳрум қилинган ва 2003 йилда амнистия билан озодликка чиқарилган экан. У шу йил ҚБКнинг Олмаота офисига мурожаат қилиб, бошпана беришни сўраган.
Бу воқеа - яқинда Андижон вилоятининг Хонабод шаҳарчасида бўлган ҳодисалардан кейин ўзбек махсус хизматларининг активлашганини кўрсатиши мукин, дейилади хабарда.
Маълум бўлишича, шу йил 2 июнда Қозоғистон Миллий Хафсизлик Комитети Олмаота департаментининг ходимлари Аҳмад Болтаевни “барахолка” бозорида ушлаб, қўлларига кишан солинган ҳолда Департамент биносига олиб келишган, Ўзбекистон уни халқаро қидирувга бергани ҳақидаги ҳужжатни кўрсатишган ва сўроқ қилишган, дўқ-пўписа қилишган, қийноққа солишган. У Ўзбекистон ЖКсининг бир қатор моддалари билан айлабанаётган экан. Булар - 159-чи модда (конституцион тузумга тажовуз), 216 (тақиқланган диний гуруҳлар тузиш), 226 (жиноий гуруҳлар ташкил этиш) ва бошқалар.
Шунда Болтаев сўроқ қилувчиларга қочқин мақоми олиш ҳаракатида юрганини исботловчи БМТнинг Қочқинлар бўйича Бош Комиссарлиги (ҚБК) тарафидан берилган сертификатни кўрсатса ҳам, у Турксиб туман милициясининг изоляторига қамаб қўйилади. Оиласи ва Бош Комиссарликнинг Олмаотадаги офиси билан алоқа қилишга рухсат берилмайди. Эртаси куни уни бошқа ерга кўчиришаётганда, у телефон орқали хотини билан боғланиб, воқеани билдиришга муваффақ бўлади. Ишга Бош Комиссарилик ходимлари аралашгач, 4 июнь куни кечқурун уни қўйиб юборишади.
Мемориалнинг хабарида айтилишича, 1968 йилда туғилган Болтаев 2000 йида Ўзбекистонда диний характердаги айбловлар билан 20 йилга озодликдан маҳрум қилинган ва 2003 йилда амнистия билан озодликка чиқарилган экан. У шу йил ҚБКнинг Олмаота офисига мурожаат қилиб, бошпана беришни сўраган.
Бу воқеа - яқинда Андижон вилоятининг Хонабод шаҳарчасида бўлган ҳодисалардан кейин ўзбек махсус хизматларининг активлашганини кўрсатиши мукин, дейилади хабарда.
