10 June 2009
15:58 -
Россия президенти келса ҳам Шимолий Кавказда тинчлик йўқ
Кеча Доғистон пойтахтига келган Россия президенти Дмитрий Медведев минтақада хавфсизлик ва террорга қариши кураш бўйича йиғилиш ўтказганди. Бу мажлиснинг узоқ муддатли натижалари қандай бўлиши номаълум, аммо, ҳозирча бу ерда тинчлик йўқ. Фақат бугуннинг ўзи бир нечта йирик воқеа юз берди. Чеченистонда бир милиционер бомба порлаши натижасида ярадор бўлган, бошқа бир милиционер ўлдириб кетилган, Доғистоннинг Қорабудахкент туманида жангарилар билан жанг бўлган.
Энг катта воқеа Ингушетияда бўлди. Бугун номаълум одамлар бу мамлакатнинг пойтахти Назранда мамлакат парламенти раисининг ўринбосари Аза Газгиреевани ўлдиришган. Рус ҳабар агентликларининг билдиришича, Аза Газгиреева кетаётган хизмат автомобили иккита Жугулидан ўққа тутилган. Кейин қотиллар тўхтаб қолган автомобилнинг олдига келиб, қаттиқ ярадор бўлган аёлнинг бошига контроль ўқини отишган. Аёл касалхонада ўлган. Шофер ярадор бўлган холос.
