11 December 2004
04:00 - 21:30 - Халкаро кузатувчилар кашкадарёлик мухолифатчилар билан учрашди 19:00 - Инсон хукуклари куни ўзига хос нишонланди
21:30 - Халкаро кузатувчилар кашкадарёлик мухолифатчилар билан учрашди

Бугун «Бирлик» Партияси Кашкадарё вилояти Кенгашининг Карши шахридаги офисида партиянинг жанубий минтакадаги вакиллари, бошка мухолифат аъзолари, хукук химоячилари хамда оммавий ахборот воситалари ходимлари тўпландилар. «Бирлик» тарафидан ташкиллаштирилган мазкур анжуман катнашчиларига аввал партия раиси Абдурахим Пўлатнинг шу йил 30 ноябрдаги партия Марказий Кенгаши катнашчиларига йўллаган мактуби ўкиб эшиттирилди. «Бирлик» рахбарининг кечаётган сайлов жараёнларига нисбатан муносабати, нима бўлганда хам сайловларда иштирок этиш, уни бойкот килишдек самарасиз усулдан воз кечиш, Адлия вазирлигида рўйхатидан ўтиш учун имзо тўплашга зўр бериш фикри нафакат «бирлик»чилар, балки Кашкадарёдаги бошка мухолифат вакиллари томонидан хам илик кутиб олинди. Анжуман иштирокчилари бу борада ўз мулохазалари билан ўртоклашдилар.

Бу мажлисига Ўзбекистондаги сайловларни кузатиш учун ташриф буюрган халкаро кузатувчилар Ноилз Ганнер Сонг Станд (Норвегия) ва Жозефф Труз Дейл (АКШ) катнашдилар. Улар жанубий минтакада мухолифат сезиларли кучга эга эканлигини таъкидладилар.

Жаноб Станд ва Дейл «Бирлик» раисининг жанубий минтака бўйича ўринбосари Дайнов Ташанов билан бундай анжуманни Сурхондарёда хам ўтказишга келишиб олдилар.

19:00 - Инсон хукуклари куни ўзига хос нишонланди

10 декабрь - Халкаро инсон хукукларини химоя килиш куни Тошкентда ўзига хос тарзда нишонланди. Шу кун муносабати билан АКШдаги «Фридомхауз» нодавлат ташкилотининг ваколатхонаси пойтахтдаги «Меридиан» мехмонхонасида тадбир ўтказиши лозим эди. Буни аввалдан билган «хизматлар» 5–6 йигит-кизни контрпикет ўтказишга сафарбар этишибди. Уларнинг плакатларида Урлаева, Бойматов каби «томи кетганлар» касалхонага ёткизилишлари керак, «Озод дехконлар партияси халк партияси эмас» деган мазмундаги гаплар бор эди. Орада сал вакт ўтмай, «пикетчилар» плакатларини йигиштириб, кўздан гойиб бўлишди.

Мехмонхонада тадбир бошланди. Унда Тошкентдаги элчихоналар ва халкаро ташкилотлар вакиллари, айрим хукук химоячилари катнашди. «Фридомхауз» ваколатхонаси рахбари Миша Север хоним ўз сўзида Ўзбекистондаги хукук химояси масаласини хукуки топталган айрим фукаролар тимсолида баён этди. Шунингдек, Ички ишлар вазирлиги Тергов бошкармасининг бошлиги Алишер Шарофиддиновни хам ижобий расмий шахс сифатида тилга олди.

Тадбирда сўзга чиккан АКШ элчиси Жон Пурнелл назарида Ўзбекистондаги инсон хукуклари билан боглик вазият яхшиланмокда экан. «Биз, - деди у русчалаб, -расмий шахслар билан хукук химояси вакиллари ўртасида карор топган ишни (мулокот демокчи, - мухбир) кўллаб-кувватлаймиз».

Тадбирда энг фаол хукук химоячилари «Фридомхауз»нинг фахрий ёрликлари билан такдирландилар. Улар орасида наманганлик хукук химоячиси Собитхон Устабоев хам бор.

«Меридиан» мехмонхонасида мазкур тадбир ўтказилаётган вактда мехмонхона олдида янги пикетчилар пайдо бўлишди. Уларнинг кўпчилиги (20 нафарча) шахардаги Трактор заводи (ТТЗ) ишчилари эди. Баъзи аёллар эмизикли болалари билан келишибди. Улар бу ерда хозир бўлган Тошкент шахар хокимлиги вакилларига кўп йиллардан бери истикомат килаётган ётокхоналарида ўзлари ва болаларининг яшаши учун минимал шароит хам йўклиги, маошлар кеч берилаётгани хакида «дард»ларини тўкиб солдилар, уй-жой билан таъминлашни талаб килдилар. Хокимлик вакиллари пикетчиларнинг муаммолари ўрганиб чикилишини ваъда этишди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону