29 May 2009
11:10 -
Обама Исроилга: Филистин ерларида яшаш жойлари қуришни тўхтат!
Барак Обама кеча Филистин президенти Маҳмуд Аббос билан учрашгандан кейин қилган баёнотида Исроилдан Филистин давлатига бериладиган ерларда янги турар жойлари қуришни тўхтатишни талаб қилди. У 10 кун аввал Исроил Бош вазири Натаньяху билан учрашганда ҳам шундай деганди. Аммо, Натаньяху унинг гапларига қулоқ солмаслигини очиқча кўрсатди дейиш ҳам мумкин. Шуларни ҳисобга олиб бўлса керак, Обама ўз талбларида қаттиқ туражагини ва, айни замонда, Филистин давлати яратилиши учун ҳам ҳаракат қилажагини яна бир марта урғулади.
АҚШ президенти Маҳмуд Аббос олдига ҳам ўз талабларини қўйди ва филистин араблари Исроилга қарши зўравонлик ва қитимирликларни тўхтатишлари шартлигини гапирди.
4 июнда Барак Обама Мисрга келади. У Ислом дунёси вакиллари билан учрашиш ниятида. Бугун айтилган гаплар у ерда ҳам такрорланса керак.// Reuters агентлиги материаллари асосида
