13 March 2009
04:00 -
23:30 - Виждон маҳкумлари: “ёрдамингизга муҳтожмиз!” (“Эзгулик” жамиятнинг пресс-релизи №11, 13.03.2009)
23:00 - Қирғиз мухолифати ҳокимият билан мулоқатни тўхтатти
20
23:00 - Қирғиз мухолифати ҳокимият билан мулоқатни тўхтатти
20
23:30 - Виждон маҳкумлари: “ёрдамингизга муҳтожмиз!” (“Эзгулик” жамиятнинг пресс-релизи №11, 13.03.2009)
Ўзбекистон инсон ҳуқуқлари «Эзгулик” жамиятига Ўзбекистон Ички ишлар вазирлиги ЖИЭББга қарашли 64/51-муассасада сақланаётган бир гуруҳ маҳбуслардан қоғоз сочиққа (салфеткага) ёзилган хат келиб тушди. Унда айтилишича, намоз ўқишга ҳаракат қилган бир неча маҳбуслар муассаса раҳбари, подполковник П.Қосимовнинг шахсий ташаббуси билан қийноқларга солинган. Уларга нисбатан турли даражада босимлар ўтказилиб, шу йилнинг 31 январь, 28 февраль кунлари очиқ жойда (ташқарида дейилмоқчи - Эзгулик) яланғоч қилиб боғлаб қўйилган. Шунингдек, уларга синдириш (муассаса тилида «ломка” - Эзгулик) билан таҳдид қилинмоқда.
Муассаса тезкор бўлими бошлиғи Ш. Ражабов аёвсиз калтакланган маҳбус Б.Йўлдошевнинг мурожаатига яна қийноқ билан жавоб қайтариб, яқин орада ҳаммасининг “терисини шилиб олиш” билан пўписа қилинган. Мактубда диндорларнинг ОИТСга (СПИД) чалинган маҳбуслар билан бир камерага ташланаётгани, мақсад уларга хасталикни юқтириш экани баён қилинади. “Сизларнинг ёрдамингизга муҳтожмиз. Аҳволимизни Озодлик, Би-би-си, Интернет сайтларига айтинглар, ҳаётимизнинг хавф остида қолаётганини билдиринглар” дейилади мактуб сўнгида.
Ўзбекистон инсон ҳуқуқлари «Эзгулик” жамияти Ўзбекистон Республика Бош прокуратураси, ИИВ ЖИЭББ раҳбариятидан мазкур ҳодиса юзасидан изоҳ беришни сўрайди. Халқаро Қизил Хос Комитети, ҳуқуқ ҳимоячи ташкилотларини маҳбуслар ҳолидан хабар олишга чақиради.
Манба: "Эзгулик"нинг расмий сайти
23:00 - Қирғиз мухолифати ҳокимият билан мулоқатни тўхтатти
Бу мамлакатдан келаётган кечаги хабарларда мухлифатнинг ташаббуси билан ҳокимият-мухолифат учрашувлари тўхтатилгани ва мухолифат 27 мартдан бошлаб “Бақиев кетсин!” каби шиорлар остида оммавий митинг-намойишлар бошлаш қарори олгани билдирилганди. Бугун президентнинг котибияти бу хабарларни тасдиқловчи баёнот тарқатган.
Биринчи учрашувда ҳокимият олдига қўйилган саволларга ваъда қилинган жавобларни кутмасдан баъзи мухолифатчилар мулоқотни тўхтатишга қарор қилганлари ачинарли ҳол, дейилган баёнотда “бор муаммоларни муҳокама қилишнинг йўли шантаж ва савдолашиш эмас, фақатгина мулоқот эканлиги” алоҳида таъкидланади.
Эслатиб ўтамиз, биринчи мулоқат 10 мартда бўлиб ўтган, иккинчиси бугунга тайинланганди. Вақти ҳали белгиланмаган учинчи учрашувда эса, президент Бақиевнинг ўзи ҳам иштирок этмоқчи эди.
20:00 - Миршаблар ҳам нажот излаб “Эзгулик”га келмоқда
“Эзгулик” жамиятининг бугунги хабарида (пресс-релиз №10, 13.03.2009) Тошкент шаҳар Юнусобод тумани ИИБ Қўриқлаш бўлими собиқ катта лейтенанти Шукурулло Париковни шу йил 16 февалида ўз ҳузурига чақирган шаҳар прокурорининг алоҳида муҳим ишлар бўйича терговчиси Ҳусан Ҳусанов: “ҳали сен мент аллақандай идораларга шикоят қиладиган бўлдингми? Раҳбарларинг сен билан гаплашиб қўйишимни айтди” деб унга мушт туширгани айтилади. Шукурулло Париковнинг боши чайқалиб, кўзи тиниб ўтириб қолибди. Бу ҳақда Нейрохирургия марказидан маълумотнома олинган.
Собиқ миршаб бундан бир муддат илгари бу жамиятга қилган мурожаатидан маълум бўлишича, у 2007 йил 15 мартда ноқонуний равишда жиноий жавобгарликка тортилган, милиция идораларидан бўшатилган, аммо сўнгра провoкация фош бўлиб, оқланган экан. Шундай бўлишига қармасдан у ишга тикланмаган ва сарсан-саргардон бўли, охир-оқибат шикоят билан “Эзгулик” жамиятига келган.
Миршабларнинг ўзи нажат излаб ҳуқуқ ҳимоячиларининг олдига келаётгани - мавжуд режимнинг инқирози қанчалик чуқурлашиб бораётганини кўрсатади.
“Эзгулик”нинг пресс-релизи билан жамиятнинг сайтида танишиш мумкин.
14:00 - Эрон президентининг ҳам башорат қилиш одати бор, ўзбек мухолифати лидерларининг нимаси кам
Reuters агентлигининг хабар беришича, Эрон, Туркия, Покистон, Афғонистон каби 10 мамлакатни бирлаштирувчи Иқтисодий Ҳамкорлик Ташкилотининг (бу ташкилот ҳақида аввалги хабаримизга қаранг) чоршанба куни Теҳронда бўлиб ўтган саммитида нутқ сўзлаган Эрон президенти Маҳмуд Аҳмединажот “Ёпиқ социалистик иқтисод системасининг ҳалокатидан кейин капиталистик иқтисод ҳам ҳалокат ёқасига келди, либерал иқтисод ва эркин бозор системаси битмоқда” деб башорат қилибди.
Эроннинг замонавий лидерлари бу мамлакат ташқи сиёсатининг марказига АҚШ ва Исроилга душманликни қўйишгани ҳаммага маълум. Шунинг учун, бутун дунёни қамраб олган иқтисодий-молиявий бўҳрон АҚШдан бошланганидан фойдаланиб, унга яна бир марта тош отиб олаётган Эрон президентини тушуниш мумкин. Лекин, жиддий бир йиғилишда бундай башоратлар қилиш учун жиддий асос керак. Асос эса йўқ. Демак, Эрон президентининг башорати - унинг ножиддийлигининг кўрсатгичидир, холос.
Эрондек бир мамлакатнинг лидери ножиддийлик ва алжирашни кундалик одатга айлантириб олган экан, балки, ўзбек мухолифати ичида лидерликка даво қилаётганларнинг алжираш ва ножиддийликларига ортиқча эътибор бериш керак эмасдир. Масалан, 53-54 лақаби билан танилган “Эрк” партияси фракцияларидан бирининг раҳбари Салой Мадаминнинг “Миллий Нажот Қўмитаси туздик, яқинда Ўзбекистонда катта ўзгаришлар қиламиз” деб алжирашларига. Ёки, “Серқуёш Ўзбекистон”, “Ўзбекистон Демократик Конгресси”, “Бирдамлик ҳаракати” каби номи улуғ супраси қуруқ ташкилотлар тузавериш касаллигига мубтало бўлган лидерчаларнинг ножиддийлигига.
Айни пайтда, “Ўзбекистон мустақил диктатура остонасида” деб 1990 йилда башорат қилган, “Ўзбекистонга қарши санкциялар киритиш ва уни дунёдан изоляция қилишдан кўра, уни демократик дунёга интеграция қилиш самаралироқдир” деган фикрни шу кунларда ўртага отган ва ҳақли бўлиб чиққан “Бирлик” лидери Абдураҳим Пўлат каби сиёсатчиларнинг истеъдодини тан олиш керак.
Ким кимдир? Who is Who?Добавить
персону
Пўлат Охун
Собиқ СССР халқ депутати, Халқ депутатлари таркибида тузилган Регионлараро Депутатлар Гуруҳининг (раисдошлари - Ельц...
Добавить сведения