24 February 2009
04:00 -
23:15 - Британия элчилиги собиқ ходими одамфурушликда айбланиб, 6 йилга кесилди
- Канаданинг Россиядаги элчиси “Эзгулик” фаоли билан учрашди
22:30 - Дилмурод Саййиднинг уйи тинтув қилинди, &#
- Канаданинг Россиядаги элчиси “Эзгулик” фаоли билан учрашди
22:30 - Дилмурод Саййиднинг уйи тинтув қилинди, &#
23:15 - Британия элчилиги собиқ ходими одамфурушликда айбланиб, 6 йилга кесилди
Жиноят ишлари бўйича Тошкент шаҳар судида Буюк Британиянинг мамлакатимиздаги элчилигида бир муддат ишлаган Қаюм Ортиқов Ўзбекистон Республикаси ЖКнинг 135-моддаси билан айбланиб, 6 йилга озодликдан маҳрум қилинди. Қаюмбойнинг Россия Федерациясининг Ленинград, Ярославл, Ростов, Бологород вилоятларига бир неча юртдошларимизни қул қилиб юборганлиги маълум бўлди.
Канаданинг Россиядаги элчиси “Эзгулик” фаоли билан учрашди
Шу кунларда Тошкентда бўлган Канада ҳукуматининг Россия Федерациясидаги элчиси Ральф Лисишин (Ralph Lysyshyn) ва унинг иккинчи котиби Кэтрин Ифкофф (Catherine E. Ivkoff) бугун Ўзбекистон инсон ҳуқуқлари “Эзгулик” жамияти Марказий Бошқаруви аъзоси Абдураҳмон Ташанов билан учрашди. Ҳуқуқ ҳимоячиси дипломатни қизиқтирган Ўзбекистондаги инсон ҳуқуқлари вазияти, сиёсий ҳақларнинг камситилиши, болалар меҳнати борасидаги саволларга жавоб берди. Суҳбатда Ўзбекистоннинг демократик Ғарб билан муносабатлари илиқлашаётгани ижобий ҳодиса экани, агар Канада билан дипломатик муносабатлар йўлга қўйилса нур устига нур бўлиши таъкидланди.
22:30 - Дилмурод Саййиднинг уйи тинтув қилинди, ҳеч нарса топилмади
Бугун Самарқанд вилояти прокуратураси ҳузуридаги Солиқ, валюта ва жиноий даромадларни легаллаштиришга қарши кураш Департаменти терговчиси Ислом Шеровнинг қарори билан журналист ва ҳуқуқ ҳимоячиси Дилмурод Саййиднинг Тошкентдаги хонадони тинтув қилинди. Департаментнинг Оқдарё тумани бўлими тезкор ходими Ўткир Саидов, Самарқанд тумани бўлими нозири Султонмурод Обидов бошчилигидаги тинтув пайтида холислар сифатида қўни-қўшнилар, Ўзбекистон инсон ҳуқуқлари “Эзгулик” жамияти Марказий Бошқарув аъзоси Абдураҳмон Ташанов ҳозир бўлди. Тинтувда жиноят ишига тааллуқли бирорта ашёвий далил топилмади.
Самарқанддан, адвокат Руҳиддин Комиловдан олинган хабарга кўра, дастлабки сўроқ даврида 10000 АҚШ доллари олаётганда қўлга олинган Марғуба Жўраева ва гумондор тариқасида сўроқ қилинаётган Дилмурод Саидов юзлаштирилган. Марғуба Жўраева ҳуқуқ ҳимоячисига қарши дастлабки кўргазмани бераётганида маст бўлганини, шу боисдан Дилмуродга нисбатан ёлғон кўрсатма берганини айтган. Ашёвий далилларнинг йўқлиги, айбланувчининг кўргазмаси асосида Дилмурод Саййид озод қилиниши керак эди, лекин ҳозирча бундай бўлгани йўқ, дейди мухбиримиз.
21:30 - Бизда бўҳрон йўқ, концерт бор: Туркманистон президенти Тошкентда
Бугун кечга яқин Туркманистон Президенти Қурбонгули Бердимуҳаммад Тошкентга келди Ҳозирги дунё амалиётида келган меҳмонни ўша даражадаги мезбон тарафидан кутиб олиш анъанаси йўқ. Шу сабабли, қўшни мамлакатнинг президентини Ислом Карим эмас, Бош вазир Шавкат Мирзиё кутиб олганига ҳайрон бўлмаслик керак. Аммо, бироз илгари Россия президенти Ўзбекистонга келганда, уни Ислом Каримнинг ўзи аэропортда қўл қовуштириб кутиб олганини билган Туркманбоши-2 бироз хафа бўлган бўлиши эҳтимолдан ҳоли эмас.
Икки президент бугуноқ учрашишди. Дунёда сиёсий бўҳрон давом этмоқда, унинг таъсири бу иккала мамлакатда ҳам сезилмоқда, табиий газни чет элларга ташиш ва сотиш масаласида икки тарафнинг ҳам бошини оғритадиган муаммолар кўп.
Айнан шу сабабдан бўлса керак, биринчи учрашув ҳордиқ чиқариш маросимига айлантирилибди. Кечқурун Ислом Карим ва Қурбонгули Бердимуҳаммад “Туркистон” саройида Туркманистон ва Ўзбекистон санъат усталарининг концертини тамашо қилишибди. Телевизон экранда кўринган саҳналарга кўра, муҳташам маросим бўлган кўринади. Концерт зали тамашобинларнинг олқиш ва чапаклари остида кўмилган. Режимбоши ва туркманбоши мириқиб дам олишган. Шундай оғир замонда икки президент соатлаб концерт кўриб ўтиршганини оддий ақл билан тушуниш қийин, аммо бўлгани шу...
Қани энди улар учун ҳаёт шундай давом этаверса. Бироқ, на илож, эртага жиддийроқ мавзуларни муҳокама қилишга тўғри келади.
18:00 - Давлат Котибининг Форс кўрфази ва Жанубий-ғарбий Осиё бўйича маслаҳатчиси тайинланди
Давлат Департаментининг Матбуот котиби Роберд Вуд бугун тарқатган пресс-релизда билдирилишича, Давлат Котиби Хиллари Клинтон кеча ўзига Форс кўрфази ва Жанубий-ғарбий Осиё бўйича махсус маслаҳатчи қилиб Деннис Россни тайинлаган. Бу минтақа - икки уруш (Ироқ ва Афғонистонда) кетаётганидан ташқари, ички конфликтлар, терроризм, қурол тарқалиши, энергия манбалари, иқтисодий ривожланиш ва оёққа тураётган демократия муаммолари борлиги билан жуда муҳим, дейилади пресс-релизда. Бу минтақага Ўзбекистон ҳам кириши туфайли, Хиллари Клинтонга стратегик масалалар бўийча таклифлар тайёрлаш билан шуғулланадиган Деннис Росснинг ким эканлиги ўзбеклар учун ҳам муҳим.
Бутун карьераси давомида дипломат сифатида ишлаган Деннис Росс баъзи Африка мамлакатларида элчи бўлган, лекин кўпроқ Яқин Шарқдаги Исроил-Араб конфликтига доир масалалар билан, ҳам демократлар ҳам республикачилар маъмуриятида, шуғулланган (Рейган, иккала Буш ва Клинтон президентлигида). Хусусан, Исроил-Фаластин ва Исроил-Иордания тинчлик шартномаларини тайёрлашда асосий роль ўйнган.
У сўнги вақтда Вашингтондаги Яқин Шарқ Институтида ишларди. Бу каби институтлар тажрибали дипломатларни иш топилгунча сақлаб турувчи муассаса ролини ҳам ўйнайди. Деннис Росс шу институтда ишлаган вақтида амалга оширган лойиҳаларидан бири – Иерусалимда “Яҳудийлар сиёсатини режалаштириш” номли, америкаликлар think tank (тушунча маркази) дейдиган, муассаса тузиш билан шуғулланган ва бу муассасага раҳбар бўлган. Сайлов олди кампанияси даврида у Обаманинг Яқин Шарқ масалалари бўйича маслаҳатчиси ҳам эди.
Кўриниб турибдики, Деннис Росс Марказий Осиё масалалари билан тўғридан тўғри шуғулланмаган. Демак, унинг Марказий Осиёга муносабати Яқин Шарқ муаммоларини ечиш нуқтаи назаридан шаклланади, деб тахмин қилиш мумкин. У Ўзбекистон президенти Ислом Карим билан илиқ муносабатлар ўрнатса керак. Айнан шу нарсалар ҳисобга олинган ҳолда, у янги лавозимга келтирилгани ҳам шубҳасиз.
11:30 - Европа Иттифоқи Белорусияни қучоғига олди, Россия ва Туркияни олишни ўйламоқда, Ўзбекистон тайёрланиши керак
Шу йил 19 февралда Европа Иттифоқининг Умумий ташқи масалалар ва хавфсизлик бўйича бош вакили Хавьер Солана Белорусияга расмий визит билан келгандан кейин, кутилганидек, анча вақтдан бери музлатиб қўйилган ЕИ-Белорусия муносабатлари қайтдан жонланабошлади.
Кеча ЕИ бу мамлакатни расман “Шарқ Хамкорлиги” программасига киритганини эълон қилди. “Шарқ Хамкорлиги” ЕИ билан Жанубий Европа ва Кавказ мамлакатларини (Арманистон, Озорбайжон, Белоруссия, Гуржистон, Молдова и Украинани) бирлаштирувчи кўпмиллатли форумдир. “Шарқ Хамкорлиги” программасининг мақсади - бу мамлакатлар ўртасида эркин савдо зонаси ташкил қилиш, ўзаро ҳамкорликни ривожлантириш ва виза режимини осонлаштириш.
“Шарқ Хамкорлиги” программасига кириш ЕИ аъзоси бўлиш учун дарҳол имконият яратмайди, аммо унга кирувчи мамлакатлар ўртасида сиёсий ва иқтисодий ҳамкорликни кучайтиради. Бу программа расман шу йил 7 майда бўладиган саммитда фаолият бошлайди. Программа бўйича 6 собиқ Совет жумҳуриятига 2013 йилгача 350 миллион евро ёрдам бериш кўзда тутилган.
Франс Пресс агентлигининг Франция Ташқи ишлар вазиири Бернар Кушнерга асосланиб хабар беришича, бу программа доирасидаги мухокамаларга Россия ва Туркияни ҳам тортиш назарда тутилаётган экан.
Хуллас, Европа Иттифоқининг ўз таъсир доирасини Шарққа кенгайтириш сиёсати қадамма-қадам ривожланиб бормоқда. Бу Альянснинг сўнги йиллардаги қадамларидан тушунса бўладики, унинг келажакдаги мақсади - Марказий Осиё мамлакатлари, хусусан, Ўзбекистонни ўз орбитасига тортиш.
Ўзбекистоннинг демократик мухолифати бу сиёсатни тўлаб қўллаб қувватлайди. Маълумки, “Бирлик” Партияси бу хусусда махсус баёнотлар эълон қилган ва ўз позициясини Хольвер Соланага йўллаган мактубида очиқлаган. Хольвер Солананинг маслаҳатчиси Энрика Мора Абдураҳим Пўлатга йўллаган жавоб хатида “Бирлик”нинг позициясини олқишлаган ва бу масалаларда алоқа қилиб туришга чақирганди. Бу хусусдаги тафсилий маълумотлар билан “Ҳаракат” журналида эълон қилинган “Европа Иттифоқи Ўзбекистон билан алоқаларини кенгайтирмоқчи” номли мақолада танишиш мумкин.
10:30 - Дилмурод Саййидга айб эълон қилинди
Ўзбекистон инсон ҳуқуқлари “Эзгулик” жамияти фаоли, журналист Дилмурод Саййидга нисбатан, кеча тунда давом этган тергов ва сўроқлардан сўнг, ЖКнинг 165-моддаси (Товламачилик) 2-қисми билан айблов эълон қилингани маълум бўлди. Мазкур ишда жиноий гуруҳ раҳбари деб аталаётган Марғуба Жўраева ҳамда яна 3 нафар фермер Жомбой туманидаги “Фаровон-Ҳаёт” МТП раҳбари Аслиддин Ўринбоевни қўрқитиш йўли билан 10 минг АҚШ долллари олаётганида Самарқанд вилояти прокуратураси Солиқ, валюта ва жиноий даромадларни легалаштиришга қарши курашиш Департаменти ходимлари томонидан ҳибсга олинган. Марғуба Жўраева дастлабик кўргазмасида пулни Дилмурод Саййид талаб қилганини айтган. Ҳозирда фақат Марғуба Жўраева ва Дилмурод Саййидга нисбатан эҳтиёт чораси сифатида ҳибс қўлланилган, деди тергов ҳаракатларини олиб бораётган прокуратура терговчиси Шеров.
Кеча тун ярмига қадар сўроқ ва терговлар давом этди. Кўринишидан ишнинг ҳолати анчайин тушунарсиз ва мавҳум, деди Дилмуродни ҳимоя қилаётган “Бирлик” партияси МК аъзоси, адовкат Руҳиддин Комилов.
