04 February 2009
04:00 -
22:30 - Ғиждувонда ўтказилган мeҳнaт ярмaркaсидан фойда борми?
21:00 - Қирғизистон АҚШни ҳайдаб чиқариш қарорида қатъийга ўхшайди
20:00 - ОДКБ одобрил
21:00 - Қирғизистон АҚШни ҳайдаб чиқариш қарорида қатъийга ўхшайди
20:00 - ОДКБ одобрил
22:30 - Ғиждувонда ўтказилган мeҳнaт ярмaркaсидан фойда борми?
Расмий хабарлардан маълум бўлишича, Бухоронинг Ғиждувoн тумaни бaндликкa кўмaклaшиш мaркaзи тoмoнидaн aгрoсaнoaт кaсб-ҳунaр кoллeжидa навбатдаги мeҳнaт ярмaркaси ўтказилибди. Унгa илгaри xoрижгa нoқoнуний йўл билaн иш излaб бoргaн фуқaрoлaр вa улaрнинг oилa aъзoлaри ҳам тaклиф этилибди.
Мeҳнaт ярмaркaсидa 78 кoрxoнa вa тaшкилoт 400 дaн oртиқ бўш иш ўрнини тaклиф этган экан, бор-йўғи 76 кишига ўз мaлaкaси вa қoбилиятигa мoс кeлaдигaн иш топиб берилибди.
Хoриж дaвлaтлaридaн биригa ишлaш ниятидa бoриб келган Миржoн Oстoнoв исмли киши “Ғaрбгaзтaъминoт” вилoятлaрaрo унитaр кoрxoнaси Ғиждувoн тумaни филиaлигa нaзoрaтчи вaзифaсигa йўллaнмa oлибди. У хорижда нoпoк кимсaлaр дoмигa тушиб, aлдaниб қoлгани ва анчa мaблaғ йўқoтдиб, зўрғa oнa юртимизгa қaйтганини гапириб, яна шундай деган: “Бу бoшқaлaргa сaбoқ бўлсин. Яxши дaрoмaдли иш ўзимиздa ҳaм кўп экaн. Бугунги мeҳнaт ярмaркaсидa xудди шундaй бўлди.”
Албатта, шундай ярмаркалар ҳар ерда ва ҳар куни ўтказилиб, ишсизлар иш билан таъминланса, қандай яхши бўларди, дейди бу хусусда “Ҳаракат”нинг мухбири. Аммо, Ўзбекистон ҳкукмати енгини шимариб шу йўналишда иш бошласа ҳам, аҳоли сонининг сўнги ўн йилларда кескин ошиши туфайли ҳам ўртага чиққан ишсизлик балосини битиролмайди.
Энг тўғри йўл – “Бирлик” Партияси таклиф қилгандек, Ўзбекистонда чет элдаги ватандошларнинг муаммолари билан шуғулланадиган вазирлик тузиш ва меҳнат муҳожиларининг муаммоларини улар ишлаётган мамлакатларда ҳал қилиш масаласи билан шуғулланишдир. Бу осон иш эмас, аммо қилиниши керак бўлган иш. Президент Ислом Карим ва унинг командасидагилар бу оддий ҳақиқатни қанча тезроқ тушуниб етсалар, мамлакатими ва миллатимиз учун шунча фойдали бўларди.
21:00 - Қирғизистон АҚШни ҳайдаб чиқариш қарорида қатъийга ўхшайди
Бу мамлакатнинг расмий Кабар миллий агентлигининг билдиришича, Қирғизистон ҳукумати Бишкекдаги АҚШ ҳарбий базасини бекитиш қарорини тасдиқлаш учун бугуноқ парламентга юборган ва буни АҚШ ҳукуматига ҳам билдирган. 2001 йил декабрда имзоланган АҚШ-Қирғизистон шартномасига кўра, ҳарбий база АҚШга бир йилга берилган бўлиб, тарафлардан бирининг эътирози бўлмаса, бу муддат автоматик равишда яна бир йилга узатилиб борилар экан. Кимдир шартномани тўхтатмоқчи бўлса, ярим йил олдин қарши тарафни хабардор қилиши керак. Демак, ҳеч нарса ўзгармаса, АҚШ Манас ҳарбий базасидан ярим йил ичида чиқиб кетади.
Ҳеч қандай шубҳа йўқки, Қирғизистоннинг бу қарори, аслида, Москванинг қароридир. Дунёдаги молиявий-иқтисодий бўҳрон ичида қийин аҳволда қолган Қирғизистгон ҳукумати Россиядан ёрдам олиш учун унинг ҳамма буйруғини бажарадиганга ўхшайди.
Қирғизистоннинг бир-иккита ҳукуматпараст депутати ва сиёсатшуноси дарҳол Бақиевнинг бу қарорини олқишлаган. Аммо, мухолифат ҳали жим. Демократик мухолифат вакилларидан бирининг мухбиримизга билдиришича, улар Қирғизистондаги АҚШ ва Россия ҳарбий базаларининг баробар ёпилиши тарафдори эканликларини доим айтиб келганлар. Ҳукуматнинг ҳозирги қарорига ўша талабларини қайтириш билан жавоб берсалар керак.
Нима бўлганда ҳам, Москва-Бишкекнинг бу қарори Марказий Осиёда Россиянинг янги гегемонлигини тиклаш йўлидаги катта қадамдир. АҚШ бунга қарши жиддий муносабат кўрсатолмаса, минтақамизда шундоқ ҳам суст ривожланиб келаётган демократик жарёнлар орқага кетиши турган гап.
20:00 - ОДКБ одобрила создание сил быстрого реагирования
Лидеры стран Организации договора коллективной безопасности согласовали и подписали проект решения по формированию коллективных сил оперативного реагирования. Об этом сообщил президент России Дмитрий Медведев.
«Мы согласовали проект решения по формированию коллективных сил», – сказал Медведев на пленарном заседании организации после встречи президентов в узком составе. «Все сошлись в необходимости решения этого вопроса», – отметил он.
Как сообщил ранее помощник президента России Сергей Приходько, «коллективные силы оперативного реагирования ОДКБ имеется в виду использовать для отражения военной агрессии, проведения специальных операций по борьбе с международным терроризмом и насильственными проявлениями экстремизма, транснациональной организованной преступностью, наркотрафиком, а также в ликвидации последствий чрезвычайных ситуаций природного и техногенного характера».
Он напомнил, что в настоящее время каждая из стран-членов ОДКБ имеет собственные силы быстрого реагирования на случай возникновения общих угроз. «Отличием предлагаемых коллективных сил будет то, что они будут иметь место постоянной дислокации на территории России, куда и будут придаваться силы других стран», – отметил Приходько. // ИТАР-ТАСС
11:30 - Абдураҳим Пўлат: АҚШлик экс-сенаторнинг вазирлик лавозимини рад этиши ўзбекларга ҳам сабоқ бўлиши керак
Бу мамлакатнинг янги президенти Барак Обама экс-сенатор, бир маҳаллар Сенатда демократлар фракциясининг лидери ҳам бўлган Том Дашлга Соғлиқни сақлаш вазири бўлишни таклиф қилгач, кутилмаган нарсалар ўртага чиқди, тўғрироғи, кимлардир тарафидан чиқарилди. Маълум бўлишича, Том Дашли сенатор бўлган йиллари дарамадининг бир қисмидан солиқ тўламаган экан, унга вазирлик лавозими таклиф қилинишининг эълонидан бир неча кун аввал уни тўлабди. Бутун оммавий ахборот воситаларида бу хабар 10-15 кундан бери марказий ўринда.
Хабарлар унчалик танқидий ҳам эмасди, экс-сенаторнинг ўзи ҳам қандайдир объектив сабабларни келтириб, солиқ тўламаслик тушунмовчиликдан келиб чиққанини айтар ва кечирим сўрар эди. Аммо, экс-сенаторни оқлашга қаратилган биронта хабар чиқмади, биронта сиёсатчи очиқча унинг олдини олмади. Булардан ҳам муҳими, бу маълумотларни ким ковлаб топгани билан ҳеч ким қизиқмади, чунки маълумот тўғри эканлиги фактлар билан кўрсатилган эди.
Ниҳоят бу масалага кеча нуқта қўйилди, Том Дашл “солиқ тўлашда қилган хатоси кейинги вазифасини тўла бажариш йўлида тўсиқ бўлиши мумкинлигини” билдириб, вазирлик ҳақидаги таклифни рад этганини эълон қилди, Барак Обама бу раддияни қабул қилди.
Бу воқеа Дашл учун ҳам Обама учун ҳам қанчалик нохуш бўлмасин, АҚШ жамиятининг қанчалик етук ва ривожланганини кўрсатувчи мисолдир. Жамият ўз вақтида хато қилган сиёсатчини кеч бўлса ҳам жазолади. Бундан ҳар ким хулоса чиқариши керак. Ўзбекистондаги каби ривожланмаган жамиятлар учун ҳам бу воқеа сабоқдир.
“Бирлик” лидери Абдураҳим Пўлат йиллардан бери “Эрк” партиясининг собиқ раиси Салой Мадамин Ислом Каримдан 2 квартира ва депутатлик мандати олиб, миллий ҳаракатга хоинлик қилганини исботланган фактлар билан гапириб келди. 53-54 лақабини олган Салой Мадамин ва унинг ёзувчи ҳамтовоқлари тарафидан қилинган хоинлик туфайли мамлакатимзда бугун диктатура ҳукмрон эканлигини исботлаб берди. Лекин ҳатто мухолифат лагерида ҳам бу воқеага етарлича эътибор берилмади.
Шу кунларда 53-54 нинг хоинлигини гапирувчилар қаторига, айнан ўша 53-54-чининг собиқ ҳамтовоғи Дадахон Ҳасан қўшилди. Мухолифатчиликка даво қилаётган бир қатор одам, сотқинлик айбномасининг қанчалик тўғри эканлиги билан қизиқиш ўрнига, Дадахон Ҳасаннинг мақолалари ким тарафидан ёзилгани ҳақида фол очиш билан овора экани - жамиятимизнинг ҳали қанчалик ибтидоий даражада эканлигининг яна бир кўрсатгичидир.
У одамлар Абдураҳим Пўлат ва Дадхон Ҳасан олдинга сураётган айномаларнинг тўғри ёки нотўғрилигини гапиришса эди, сиёсатчига лойиқ иш қилишган бўларди. Абдураҳим Пўлат ва Дадахон Ҳасан айтаётган гапларнинг баъзилари ҳукуматнинг иддаолари билан мос тушаётгани ҳам иккинчи даражали нарса эканлигининг фарқига боришарди, чунки критерий ҳукумат эмас, ҳақиқат эканлигини англашарди.
АҚШда оддий бир хатоси учун кўзга кўринган сиёсатчи яхшигина жазоланди, бизда эса, миллатга хоинлик қилган одамни жазолаш лозимлигини тушунишмайди, у хоиннинг ўзи тавба қилишни ўйлаб кўрмайди. Тўғри, ҳозир у хоин етарлича жазоланди, ўз партиясидагилар ҳам ундан воз кечди. Лекин, бу нарса партиянинг ёки жамиятнинг эмас, кўпроқ Абдураҳим Пўлатнинг ҳаракатлари натижасида бўлди.
Ҳамма Америка каби озод ва фаровон бўлишни истайди, аммо Америка жамиятидан, Америка сиёсатидан ўрнак олишни ўйлайдиганлар ҳали, минг афсуски, кам бизда, дейди Абдураҳим Пўлатнинг ўзи.
Расмларда - Барак Обама ва Том Дашл.
10:00 - HRW: Касал ҳуқуқ ҳимоячисига Ўзбекистон қамоқхонасида қўпол муомала
Human Rights Watch ташкилотининг Москвадаги маркази томонидан бугун тарқатилган баёнот - жиззахлик ҳуқуқ ҳимоячиси Алишер Кароматов касал бўлишига қарамасдан қамоқдан озод қилинмаётгани, унга қўпол муомала қилинаётгани ҳақидадир. Алишер Кароматов ва умуман қамоқхоналардаги ўзбек ҳуқуқ ҳимоячиларининг аҳволи етарлича ёритилган баёнат “Европа Иттифоқи ва АҚШни, Ўзбекистон билан алоқаларни тиклаш шарти сифатида, қамоқдаги ҳуқуқ ҳимоячиларни озод этилишини талаб қилишга” чақириш билан тамомланган.
Бизнинг хабарларимизда Алишер Кароматовнинг қамалиш ва қамоқда сақланиш тарихи систематик ёритиб борилмоқда. Хусусан, шу йил 28 ва 29 январдаги хабарларимизда “Эзгулик” жамияти бу ҳақда халқаро ташкилотларга мурожаат қилиб, ҳуқуқ ҳимоячисининг тақдирига бепарво бўлмасликка чақирганини билдиргандик. HRWнинг бугунги баёнотини шу чақириққа жавоблардан бири деб ҳисоблаш мумкин.
