21 January 2009
04:00 -
23:30 - Ислом Карим “Лукойл” ширкати раҳбарини қабул қилди
- Ўзбек матбуоти тилга кирди
22:30 - Марғилонда хотинлар кўчага чиқди
- Журналистлар уюшмаси анъанавий “Олтин
- Ўзбек матбуоти тилга кирди
22:30 - Марғилонда хотинлар кўчага чиқди
- Журналистлар уюшмаси анъанавий “Олтин
23:30 - Ислом Карим “Лукойл” ширкати раҳбарини қабул қилди
Бугун мамлакатда тарқатилган расмий хабарда айтилишича, Оқсаройда Ислом Карим Россиянинг машҳур “Лукойл” ширкати раҳбари Вагит Алекперовни қабул қилди. Нефт-газ ва энергетика соҳасида таниқли бу ширкат раҳбари эртага Тошкентга келадиган Кремль раҳбари Дмитрий Медведовнинг Ислом Карим билан учрашувлари олдидан муҳокама қилинадиган масалаларни пишитиши учун келганига шубҳа йўқ. Айни пайтда муҳокама этиладиган асосий масала Ўзбекистоннинг газ экспорти ва бу борадаги бироз совуқлашган алоқларни илиқлаштиришдир.
Гарчанд бугунги расмий хабарда Россия Ўзбекистоннинг ишончли ҳамкори эканлигига урғу берилса-да, режимбоши Медведовга муносабатининг нечоғли эканига ишора бергани йўқ.
Оқсаройдаги қабул муносабати билан тарқатилган хабарда “Лукойл” Тошкентда ўз ваколатхонасига эга йирик энергетик ширкат экани, у билан ўзбек энергетиклари ўртасида 2004 йилдан бери ҳамкорлик ривожланиб келаётгани таъкидланади. Лекин бирорта на ўрис, на ўзбек нашри Алекперовнинг Ислом Карим билан газ нархи масаласида сўзлашгани, ўз президентнинг келиши олдидан нимага эришгани ҳақида ёзмаяпти.
Ўзбек матбуоти тилга кирди
Бутун дунёни ларзага солган Обаманинг тахтга ўтириш маросими ҳақида Ўзбекистоннинг иккинчи даражали телевидение ва радиоканаллари бугундан гапира бошлади. Бу кетишда расмий нашрларда ҳам эрта-индин кафтдек хабарлар чиқадигандек. Лекин айримлар кечаги инаугурация пайтида кабелли телевидениеларнинг узиб қўйилганини таъкидлашди, дейди мухбиримиз.
Бироқ негадир анчадан бери мудраётган матубот, хусусан, Тошкент телеканали Исроил-Фаластин урушининг оқибатлари, Ғазога БМТ Бош котиби Пан Ги Муннинг ташрифи ва Исроил ҳукумати раҳбари билан учрашуви ҳақида таҳлилий лавҳа намойиш этди. Ҳатто журъат қилиб, Исроилнинг тинч аҳолини ўққа тутган геноцидини тилга олди.
22:30 - Марғилонда хотинлар кўчага чиқди
Кеча газ ва электр таъминотидан норози бир гуруҳ аёллар Марғилоннинг Марказий кўчаларидан бирини бир неча соат тўсишга эришди. Ўзлариинг норозилигини шу йўсинда ифода қилган аёлларнинг чиқиши миршаблар кучи билан тарқатилди. Бу ҳақда маълум қилган ҳуқуқ ҳимоячиси Мўътабар Тожибой намойишчиларнинг сонини 20 та деб айтди. Намойишчилар олдида пайдо бўлган муросасоз газчилар, ҳокимият вакиллари ваъдани қуюқ қилишди. Лекин газда ҳам, электрда ҳам ўзгариш бўлмади.
Журналистлар уюшмаси анъанавий “Олтин қалам” танловини эълон қилди
Бугун Ўзбекистон Журналистлари ижодий уюшмаси ҳамда Журналистларни қайта тайёрлаш халқаро маркази ижодкорларнинг 4-миллий “Олтин қалам” танловини эълон қилди. Танлов Низомига кўра, мамлактдаги ислоҳотлар, турмушдаги айрим нуқсонларни жиддий таҳлил қилган, танқидий қараш ва фуқаролик жамии позицияларини ёрқин ифода этолган ижодкор шахслар бу мукофот соҳиби бўлиши мумкин. Танлов ғолиби энг кам иш ҳақининг 200 баравари (4 ярим миллион сўм ёки 3000 АҚШ доллари атрофида) миқдоридаги пул мукофоти ҳамда олтин медал билан тақдирланади. Ўтган йилги айъанага кўра, бу йил ҳам танлов ғолиби ёт “хуруж”лардан режимбоши шахсини ҳимоя қилган, уни улуғлаган шахслар бўлади. Мукофотлар 3 май – Халқаро матбуот эркинлиги куни топширилади.
