06 January 2009
04:00 -
16:00 - Абдураҳим Пўлат: Ҳеч нарса ўзидан ўзи бўлмайди, ҳамма нарсани ўзимиз қилишимиз керак (яна ҳомийлик/спонсорлик ҳақида)
16:00 - Абдураҳим Пўлат: Ҳеч нарса ўзидан ўзи бўлмайди, ҳамма нарсани ўзимиз қилишимиз керак (яна ҳомийлик/спонсорлик ҳақида)
16:00 - Абдураҳим Пўлат: Ҳеч нарса ўзидан ўзи бўлмайди, ҳамма нарсани ўзимиз қилишимиз керак (яна ҳомийлик/спонсорлик ҳақида)
Ўзбекларнинг ҳаммаси бўлмаса ҳам кўпчилиги Ғарбда каби эркин, фаровон яшашни исташади. Лекин, буни бизга кимдир қилиб беришига, бугун бўлмаса ахир бир кун Ўзбекистонни эркин ва фаровон ўлкага айлантириш мақсадида иш олиб борадиган раҳбарлар келишига ишонишади.
Бу масалада демократик мухолифатга ишонадиганларнинг сони ҳам етарлича. Аммо, улар ҳам мухолифат кучга киришини, мухолифатга кучли лидерлар келишини кутишади.
Булар ҳаммаси тўғри. Айни замонда, халқнинг, жамиятнинг иштирокисиз ҳеч нарса амалга ошмаслиги, кутиш билан иш битмаслиги ҳам тўғри.
Америка жамияти шунга тайёр бўлмаса эди, Жорж Вашингтонга ўхшаган одам чиқмаган бўларди. Хинд жамияти шунга тайёр бўлмаса эди, Махатма Ганди ва Жавахарлар Нерулар чиқмас эди. Америка жамияти шунга тайёр бўлмаса эди, Барак Обамадек қора танли одам, у қанчалик кучли ва талантли бўлмасин, президент бўлолмасди.
Моҳияти билан бошқачароқ бўлса ҳам, ўзимиздаги аҳволдан ҳам мисоллар келтирайлик. Хотираларимда бир неча марта эслатганим каби, мен ўзбекларни тарихда биринча марта митингга чақирганимда, Совет замонида энг юқори мартабага эришган Нуриддин Муҳиддиновдек давлат арбоби “Ўзбеклар ҳеч қачон митингга чиқмаган, ҳеч қачон чиқмайди”, дейишгача борган.
Шундай бўлса ҳам, “Бирлик” ўзбекларни митингга олиб чиқди. Аммо, ҳалигача демократликка даво қилаётган 53-54 лақабли Салой Мадамин раҳбарлигидаги ўзбек ёзувчилари “Митинг кўча чангитиш” дейишдан тортинишмади.
Бундай ақлсиз одамлар ҳар қандай жамиятда чиқиши мумкин. Америкада шундайлар вақти вақти билан чиқиб тураётганини ўзим кўрдим. Аммо, жамият уларга дарҳол тепки кўрсатади, ундайларни сиёсатдан кавушини тўғрилаб қўяди.
Шулардан келиб чиқиб, аввал Ғарбда каби жамият етишсин, ана ундан кейин кучли сиёсий партиялар пайдо бўлади, кучли сиёсатчилар ўтрага чиқади ва улар Ўзбекистонни эркинлик ҳамда фаровонликка олиб бороладилар демоқчимасман.
Бу ишларнинг ҳаммаси баравар олиб борилиши керак. Кучли демократик мухолифат, кучли сиёсий партия яратиш йўлидаги ҳаракатлар - жамиятимизни замонавийлаштиришга қаратилган ҳаракатлар билан баравар олиб борилиши керак. Бошқа йўл йўқ.
Жамиятнинг етуклиги – уни бошқараётганларга таъсир қилиш механизмларининг бор-йўқлиги билан, бу механизмларнинг кучи ва самарадорлик даражаси билан ўлчанади. Бу механизмлардан бири, балки, унинг маркази - сайловлар эканлигини гапириб ўтириш ҳам ортиқча бўлса керак. Ҳақиқий демократик сайловларга эришиш учун кураш доим давом этмоқда ва этаверади.
Аммо, яна бошқа механизмлар бор. Сиёсий партияларга спонсорлик/ҳомийлик қилиш улардан биридир. Сиёсий партияларни жамият назорати остига олиш, уларни жамият манфатлари учун курашга мажбур қилишнинг энг самарали йўли – спонсорлик/ҳомийлик воситасида уларнинг молиявий тизгинларини қўлда тутиш эканлигини Ғарбда аллақачон тушуниб етишган.
Биз Ғарб ихтиро қилган автомобилар ва бошқа техник системаларни ўзлаштириб олганимиз каби, ижтимоий-сиёсий саҳнадаги Ғарбнинг тажрибасидан фойланишга маҳкуммиз.
Шулардан келиб чиқиб, “Бирлик” ва шахсан менинг ўзим ўзбек жамиятида ҳомийлик анъаналарини яратиш учун кўп ҳаракат қилмоқдаман. Оламшумул натижаларга эришдик дейиш муболаға бўларди, аммо натижа йўқ дейиш ҳам мумкин эмас.
Сайтимизда ўтган йили 19 декабрда эълон қилинган “Кўча чангитишдан сиёсий садақачиликка” номли чақириғимда билдирилганидек, бир ой ичида турли одамлардан 400 доллар миқдорида ёрдам олган эдик.
Куни кеча АҚШнинг Жоржия штатда яшайдиган ўзбек муҳожиридан “MoneyCram” воситасида 250 долларлик ёрдам келди. Уни юборган тарафдоримизга самимий миннатдорчилигимни изҳор қиламан.
Айни замонда, яна ҳаммага мурожаат қиламан. Сиёсий ҳомийлик системасисиз ҳеч қандай нормаль сиёсий партия оёққа туролмайди, ҳақиқий сиёсий партияларсиз Ўзбекистон на эркинликка на фаровонликка эришолади. Шунинг учун Ўзбекистоннинг эркинлиги, унинг келажаги ва фаровонлиги учун курашаётган мухолифат, унинг асосий кучи, менга қолса, ҳозир ягона кучи бўлган партиямиз, ошкоралик асосларини яратаётган “Ҳаракат” журнали ва шу номли сайтнинг фаолиятини қўллаб қувватланг, уларга моддий ёрдам беринг.
Ҳомийлик/спонсорлик қилиш ниятидагилар учун керакли маълумотлар:
1. АКШ ва Канадада яшаётганлар ўз ёрдамларини «Uzbekistan Associates – Harakat» номига ёзилган чек ёки «Money order» воситасида ташкилотнинг қуйидаги адресига юборишлари мумкин:
Uzbekistan Associates – Harakat
7318 Fountain Spring Ct
Springfield, VA 22150
2. Европада яшаётганлар ўз ёрдамларини Швециянинг Swedbank банкида «Association Central Asia» ташкилоти номига очилган қуйидаги ҳисоб рақамига ўтказоладилар:
SWEDBANK, S-105 34 Stockholm
SWIFT: SWEDSESS
Telex: 128 26 SWEDBNKS
Account/ Compte no
82149 037 021 9958
Швециянинг ўзида яшаб, Швед кронида пул ўтказиш истаганлар учун банк ҳисоби:
Association Central Asia
Clearingnummer 8214-9
Kontonummer 994 259 156 2
Яна бир бор ҳаммага ҳурмат ва ташаккурларимни изҳор қиламан.
