01 January 2009
04:00 -
ЯНГИ ЙИЛИНГИЗ МУБОРАК БЎЛСИН, АЗИЗ ДЎСТЛАР!
2:00 - Икки сиёсий банкротнинг байрам табриклари
2:00 - Икки сиёсий банкротнинг байрам табриклари
2:00 - Икки сиёсий банкротнинг байрам табриклари
Бир соат фарқ билан Ўзбекистон ва Россия Федерацияси президентлари Ислом Карим ва Дмитирий Медведев ўз мамлакатларидаги ватандошларини янги йил билан табрикладилар. На иложки, анъанага кўра, улар 2008 йил ҳақида ҳам бир нарсалар дейишлари керак эди. Кошки, шундай анъана бўлмаса эди. Аммо, бошқа илож йўқ, улар аввал 2008 йилга баҳо беришга мажбур бўлдилар.
Очиқ баҳо берилса, уларнинг иккаласи ҳам сиёсий банкрот эканлиги кўриниб қолган бўларди. Нима қилиш керак? Икки президент икки йўл танлади.
Ислом Карим ёлғон гапириш ва ўзи йўқ мувафаққиятларни тўқиб гапириш йўлидан кетди. Меҳнатга яроқли одамларимизнинг кўпчлиги чет элларда мардикорлик қилаётгани, аҳоли улардан келаётган ёрдамга яшаётганини гўёки билмаган Ислом Карим “якунлaнaётгaн йил мaмлaкaтимиз учун oсoн бўлмaгани, қaттиқ қурғoқчилик вa сув тaнқислиги бўлгани, жaҳoн мoлиявий инқирoзи тoбoрa кучaйиб бoрaётгaнини” тилга олса ҳам, “2008 йил мoбaйнидa иқтисoдиётимизни бoсқичмa-бoсқич ривoжлaнтириш вa xaлқимиз ҳaёт дaрaжaсини юксaлтириш йўлидa сaлмoқли нaтижaлaргa эришдик”, деб очиқдан-очиқ ёлғон гапиришдан, асоси бўлмаган қандайдир рақамлар айтишдан ўзини тийолмади.
Амир Темир авлодларини сал кам 10-15 йил ичида ёппасига мардикорларга айлантиришга, собиқ СССРнинг иқтисоди кучли бўлган жумҳуриятларидан бирини қашоқлик даражасига олиб келишга улгурган бу президент сиёсий банкрот бўлмаса, кимни банкрот дейиш керак.
Россия президенти Дмитирий Медведев ёлғон гапиришни истамади шекили, 2008 йил оғир бўлганини гапириш билан чекланди. Тўғри, Медведев ҳақида гапирганда Путинни назарда тутиш керак. Нима бўлганда ҳам, бу икки шоввоз нефтнинг нархи эвазигагина Россия кучга киргани, унинг аҳолиси нисбатан фаровонликка эришганини ўзларининг ютуқлари деб кўрсатиб келдилар. Нефтнинг нархи тушишга бошлаган эди, уларнинг миси чиқабошлади. Ҳатто, расмий табрикномалари кўча-кўйдаги гаплар даражасига тушди
Сиёсатчилар, уларнинг касби шунақа, ҳар қандай шароитда ҳам оптимист бўлишлари ва қийин аҳволдан чиқиш йўлларини кўрсатишлари керак. Аммо, на Ислом Карим на Дмитирий Медведев ҳозирги оғир аҳволдан чиқиш учун қилиниши керак бўлган фундаментал ўзгаришлар, ўзгаришларни амалга ошириш режалари хусусида оғиз ҳам очмадилар.
Ёлғон гапирмаслик учун бўлса керак, Дмитрий Медведев келажак ҳақида гапиришни “унутган” бўлса, ўзимизнинг Ислом Карим алмисоқдан қолган “зaмoнaвий тexнoлoгиялaр билaн жиҳoзлaнгaн иxчaм кoрxoнaлaр бaрпo этиш, xизмaт кўрсaтиш вa сeрвис сoҳaсини ривoжлaнтириш” каби масалаларини тилга олгани кулгили эди.
Ўзбекистон президентининг спичрайтерларида озгина ақл бўлса эди, улар “Бирлик” Партиясининг Таъсис қурултойида қабул қилинган резолюциялар билан танишган ва улардан андоза олиб, ўз президентларининг табрик нутқини жонли ва ишонарли қилган бўлардилар.
Ҳозир эса, бу икки президентга биттагина маслахат бериш мумкин: Нима қиласиз, ўзингизни ва халқни қийнаб, истеъфога чиқинг, мамлакатни бошқариш ишини – қўлидан келган одамлар қилишсин.
