“Озодлик” радиоси хабарига кўра, Швециянинг Сундсвалл шаҳрида Обид қори Назаровга суиқасдда гумон қилинган Юрий Жуковский ва унинг жиноий шериклари ҳисобланган икки ўзбек - Баҳодир Пўлатов ва Нодира Аминовалар устидан маҳкама жараёни ниҳоясига етган. Суд маҳкамасида прокурор жиноятга шерикликда айбланаётган ўзбекистонликларга яна 8 йиллик қамоқ жазоси сўраган. Юрий Жуковский эса ҳалигача қочиб юрибди. 1 июль куни суднинг ҳукми ўқилиши кутилмоқда.

"Ҳаракат" Агентлиги бу ишга катта эътибор бергани йўқ ва бермоқчи ҳам эмас. Чунки, Обид қори Ўзбекистондан қочиб кетгандан бери, жуда кўп диний ва сиёсий қочқинлар каби, ўз ҳаёти билан овора эди. Бундай одамни ўлдиришга ҳаракат қилиш, тахмин қилиш мумкинки, кимларнингдир шахсий муаммоллари билан боғлиқ бўлса керак.