03 June 2013
20:32 -
Қизил Хоч Қўмитаси аҳдидан қайтди ва миршаблар билан ҳамкорлик бошлади
Шу йилнинг 13 апрелидаги хабарларимизда Халқаро Қизил Хоч Қўмитаси ўзининг асосий йўналишларидан бири бўлган Ўзбекистон қамоқхоналарини мониторинг қилиш фойдасизлигини айтганини билдириб, бу ҳақда Бош директор Ив Даккорнинг мулоҳазаларини келтиргандик. Даккорнинг таъкидича, мониторингнинг фойдаси йўқ, чунки расмийлар билан мулоқот конструктив бўлиши керак, лекин Ўзбекистон мисолида бундай бўлмайди. “Ҳаракат” Қизил Хоч мулозимининг бу қарори феълан хатолигини, бу қарор айнан Ўзбекистон ҳукумати истагига мос келишини таъкидлаганди.Бугун тарқатилган хабарларда мазкур халқаро ташкилот Ўзбекистон Ички ишлар вазирлиги билан бир қанча лойиҳаларни амалга ошириш борасида аҳдлашишгани айтилади. Самараси кам бўлса-да, Қизил Хоч Қўмитасининг янги қарори феълан тўғри. Бу борада ҳамикорликка маҳаллий ҳуқуқ ҳимоячиларини, биринчи навбатда, расмий рўйхатдан ўтган "Эзгулик" жамиятини ҳам тортиш лозим.
Нима бўлганда ҳам, Қизил Хоч Қўмитаси ҳам “Ҳаракат”нинг ва унинг орқасида турган “Бирлик”нинг фикрини қабул қилгани яхшидир.
