20 October 2004
03:00 - 23:30 - «Бирлик» депутатликка номзодларини кўрсатишни бошлади 22:00 - НАТО бош котиби Ўзбекистонда бўлди - Осиё Тараккиёт Банки Ўзбекистондаги кашшоклик кўламини камайтирмокчи 7:00 - Таблигчиларга хам камок жазоси белгиланди
23:30 - «Бирлик» депутатликка номзодларини кўрсатишни бошлади

Бир неча ойдан бери мухолифат партияларининг «Давра Кенгаши» доирасида олиб борилаётган сайловларга тайёрланиш кампанияси ўз натижаларини беришга бошлади. Мухибиримизга бугун маълум бўлишича, «Давра Кенгаши»нинг Андижонлик фаолари Олий Мажлиснинг Конунчилар Палатаси депутатлигига 15-чи Шахрихон сайлов округидан номзод кўрсатиш бўйича Ташаббус Гурухининг мажлисини 16 октябрь куни ўтказишган. Аммо, мажлиснинг хужжатлари Округ сайлов комиссиясига топширилмагунча, бу хусусда расмий хабар таркатмасликка келишишган.

Нихоят, 19 октябрда хужжатлар Округ сайлов комиссиясининг раиси Абдуманноб Тошпўлатовга тилхат олиб топширилибди.

Ташаббус Гурухининг 16 октябрдаги йигилиши Шахрихон шахри «Тез ёрдам» муассасасининг мажлислар залида ўтказилди, 330 сайловчи катнашган мажлис ахли Олий мажлиснинг Конунчилар Палатаси депутатлигига номзод килиб, шу муассасанинг Бош врачи, «Бирлик» Партиясининг фаоли Музаффар Охуновни кўрсатди, дейди номзоднинг ишончли вакили Дилмурод Махматов. Унинг айтишича, Округ сайлов комиссяси 5 кун ичида хужжатларни кўриб чикиб, Ташаббус Гурухини рўйхатга олиши керак. Сўнгра шу округдаги сайловчиларининг камида 8 фоизидан ушбу номзодни кўллаб кувватлаш бўйича имзо йигишга бошланади.

22:00 - НАТО бош котиби Ўзбекистонда бўлди

НАТОнинг Марказий Осиёда ўз сафарини давом эттираётган янги бош котиби Я де Хоф Схифер кеча, куннинг охирида ва бугун Ўзбекистонда бўлди. Уни Оксаройда Ўзбекистон президенти Ислом Каримов кабул килди. Шу хакдаги расмий хабарда айтилишича, Ўзбекистон НАТО билан муносабатларини кадрлайди ва ўзаро хамкорликни изчил ривожлантириш тарафдоридир. Ислом Каримов "Тинчлик йўлида хамкорлик" дастури айникса алохида ахамиятга эга эканини таъкидлаган.

НАТО бош котиби Мудофаа вазири Кодир Fуломов ва Ташки ишлар вазири Содик Сафоев билан хам учрашди.

Ташки ишлар вазирлигининг Кабуллар уйида Я де Хоф Схифер ва Содик Сафоев мехмон ташрифининг якунларига багишланган матбуот конференцияси ўтказдилар. НАТО бош котибининг айтишича, бундан буён унинг ташкилоти Марказий Осиёга стратегик минтака сифатида карайди, шунинг учун бош котибнинг Марказий Осиёдаги махсус вакили лавозими жорий килинган. Схифернинг Тошкентда ўтказган музокараларида Ўзбекистондаги инсон хукуклари билан боглик вазият томонлар ўртасидаги хамкорликка халакит бермаслиги керак деган фикр хам билдирилган.

НАТО вакилига кўра, терроризмга карши кураш НАТО билан хамкорликнинг асосий йўналишидир. Лекин, бари бир, асосий эътибор демократик институтларни кўллаб-кувватлашга, уларни химоя килишга каратилиши лозим. Зеро демократик кадриятлар ривожланмаган ёхуд поймол килинган ерда терроризм илдиз отади.

Содик Сафоев мехмоннинг бу фикрларини маъкуллаб, бундай деди: "Жаноб Схифер ва НАТО рахбариятининг мамлакатимизда бозор иктисодиётига ўтиш ва демократик жараёнларни ривожлантириш борасидаги карашлари минтакамизда баркарорликка хизмат килади ва буни умумий вазифамиз деб хисоблаймиз. Бизнинг музокара мавзуларимиз хам ана шу масалаларни камради. Биламизки, НАТО мамлакатлар ўртасидаги хамкорлик ва демократик кадриятларни ифода этувчи ташкилотдир."

Осиё Тараккиёт Банки Ўзбекистондаги кашшоклик кўламини камайтирмокчи

Халкимизда ёг ичида яйрамаган буйрак деган макол бор. Эндиликда унинг ўзи хам шу кўйга тушди. Мамлакатимизнинг ер усти ва ер ости бойликлари, энергетика ресурслари етарлича бўлгани холда, энг мухими, одамлари мехнатсевар, миришкор ва кўли гул бўлгани холда, яъни барча бойликлари ва имкониятлари бўла туриб Ўзбекистон ахолисининг 30 % га якини кашшокликда, 10 % кисми эса ўта кашшокликда яшамокда (Жахон Банкининг энг сўнгги маълумотидан).

Айни шу холат ўзбекни ташкаридан хайр-эхсон ва карз олишга мухтож килиб кўйди. Расмий хабарларга кўра, куни кеча Осиё Тараккиёт Банкининг Бошкарув раёсати Ўзбекистонга бу ердаги кашшоклик кўламини камайтириш учун кредит беришини маълум килган. Банкнинг Ўзбекистон хукумати билан хамкорликда 2005–.2006 йиллар учун ишлаб чиккан стратегик дастурига кўра, келгуси 2 йил ичида республикага 200 млн. АКШ доллари микдорида кредит ажратилиб, унинг асосий кисми хусусий фермер хўжаликларини, кичик ва ўрта корхоналарни ташкил этиш, тиббий хизматни яхшилаш, кишлоклардаги ичимлик сув муаммосини хал килиш каби максадларга сарфланади.

Осиё Бараккиёт Банки кредитларининг биз учун макбул томони шундаки, улар узок муддатларда ва кам фоизларда кайтариш шарти билан берилади.

Яна шу банкнинг маълумотига кўра, Ўзбекистон хукумати 2010 йилга кадар республикадаги кашшокликни камайтиришни режалаштираётган эмиш.

7:00 - Таблигчиларга хам камок жазоси белгиланди

Андижонда таблигчилардан дастлаб (6 августда) 4 нафари, сўнгра (25 августда) 7 нафари суд курсисига ўтказилгани хакида 12 сентябрда хабар ва шарх берган эдик. Мана, орада деярли 2 ярим ой ўтиб, Андижон вилоят жиноий ишлар судидаги бу жараён 18 октябрь куни тугади. Суд хукмига кўра, ноконуний диний ташкилотга аъзоликда айбланган 10 судланувчи 5 йилдан умумий тартибли ва 1 судланувчи 5 ярим йиллик каттик тартибли камок жазоларини ўтайдилар.

Суд жараёнини кузатганлар вилоят судининг бу карорига карши эканликларини билдирар эканлар, уни Исанинг аламини Мусадан олиш деб, яъни Тошкент ва Бухоро портлашларини килганлар касдини бу шўринг кургурлардан олиш деб бахоладилар.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону