26 February 2013
20:37 - Минҳожиддин Мирзо маданиятимизга вазирлик қилади
Бугун шоир Минҳожиддин Мирзо (Ҳожиматов) Ўзбекистон Маданият ва спорт ишлари вазири этиб тайинланди. Президент Фармони билан лаворзимидан четлатилган академик Турсунали Қўзиевга қандай лавозим берилгани ҳақида маълумот йўқ. Кўпчилик ўзбек ёзувчилари каби мавжуд режимнинг маддоҳи бўлган 41 яшар Минҳожиддин Мирзо 2012 йилнинг ўрталарида Ўзбекистон телерадиокомпанияси раисининг биринчи ўринбосари этиб тайинланганди. Ундан аввал “Шарқ юлдузи” журналининг Бош редактори, Президентнинг Давлат маслаҳатчиси ўринбосари каби лавозимларда ҳам ишган.

У Ислом Карим раҳнамолигида “юксак маънавият”га эришганимизни таъкидлаб мақолалар ёзган. Лекин Қирғизистонда ўзбеклар тириклайин ёқилиб, ўзбек аёллари қирғизлар тарафидан тўдалашиб зўрланганда, ўзбеклар қирғин қилиниб, қирғин сабабчилари четда қолиб яна ўзбеклар қамоқларга отилаётганда унинг “юксак маънавияти” ўзини писиб ўтиришга мажбур қилган. Бизда шунақа маънавият.

Хуллас, Ўзбекистонда иқтисод чўкиб бораётганини биламиз, буларга ташлаб қўйсак, бундай “маънавият” эгалари маданиятимизни ҳам йўқ қилиши муқаррар.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону