25 February 2013
14:56 -
Республика фондлар биржасининг чорагини карислар сотиб олди, қанча порага?
Бугун тарқатилган хабарларга кўра, РФБ акцияларининг 25% минус битта акцияси Корея фондлар биржасига сотилибди. Унинг таннархи 6 млн доллар экан. Лекин Корея тарафи пул тўламайди, пул ўрнига 2013 йилнинг охиригача биржамизга программа-техник комплекс ўрнатиб, уни ишлатиб ҳам беради.Шу йил 8 февралда эълон қилган “Ҳаракат” ўқувчисининг “Ўзбекистонда автосаноат мафияси” номли мақоласида Жанубий Кореянинг ДЭУ компанияси билан автомобиль ишлаб чиқариш қўшма корхонаси қуришга рухсат олиш учун Ислом Каримга шартноманинг 15 фоизи миқдорда пора берилгани иддао қилинганди. Демократик тамойилларга кўра, бундай хабардан кейин Ислом Карим ўзини оқлайдиган баёнот эълон қилиши керак эди. Қилмади, демак, пора олганини бўйнига олди, дейиш мумкин.
Хўш, ҳозир Корея фондлар биржаси билан 6 миллионга тузилган шартноманинг нархини карислар истагандек қилиб кўрсатиш учун ким қанча пора олди экан? Пора олинганига шубҳа йўқ. Аммо ким ва қанча олди? Ўзбекистон бундай шартномадан қанча зарар кўрди? Бу саволларга жавоб режим йиқитилгандан кейин ўртага чиқади.
