30 January 2013
01:12 -
Ислом Каримнинг Olam.uz сайтидаги расми ва “Ҳаракат”нинг мазахи сайтнинг бошини еди
Пастдаги линк орқали кўришингиз мумкин бўлган хабарларимиздан бирида Olam.uz сайти Ислом Каримнинг мункиллаган чол сифатидаги ҳақиқий расмини эълон қилиб, президентимиз устидан кулибди, энгди ётиб кечирим сўраши керак, чунки, бошқа ҳамма ерда Президентнинг макияж қилиниб, уни худди ёш аёлдек, э.. кечирасиз, ёш йигитдек қилиб кўрсатадиган расмлари чиқарилади деб мазах қилгандик. Ўшандан кейин, Ислом Каримнинг расми дарҳол сайтдан олиб ташланганди.Сайтнинг душманлари ахир вақтини топиб, бу расмни Президентга кўрсатишган шекилли, яқинда сайт ёпилиб қолди. Биз бу ҳақда берган хабарни ҳам пастдаги линклар орқали кўришингиз мумкин.
Сайтга кираман десангиз, аввалига “техник сабаблар бўйича беркмиз” маъносидаги русча ёзув чиқарди. Сўнгра ҳеч нарса чиқмай қўйди. Сайт битти, деб ўйладик. Аммо, бугун яна ўша техник сабаблар ҳақидаги ёзув чиқа бошлади. Аммо Ислом Карим кечирмаса керак, чунки, биз туфайли Ислом Каримнинг расмлари орқасида бўлаётган масхарабозликлар тарих саҳифасига кириб бўлди.
Ҳа, дарвоқе, ўша тарихий расмни бугунги хабарга ҳам илова қилмоқдамиз. Расмни каттароқ қилиш учун курсор билан босинг.
