26 November 2012
16:43 - Қирғизистонда маҳаллий кенгашларга сайлов бўлди, Ўзган ўзбеклари Алмазбек Атамбаев партиясига овоз берди
Кеча ўтказилган сайловларнинг тўла натижалари ҳали маълум эмас. Аммо, баъзи шаҳарларда, масалан, Ўзген ва Жалолободда улар эълон қилинб бўлди.

Аҳолисининг мутлақо кўпчилиги ўзбеклар бўлган Ўзгенда ҳозирги президент Алмазбек Атамбаев раислигидаги Социал-демократик партия 46,38 фоиз овоз билан биринчи ўринни эгаллаганидан тушунса бўадики, бу ердаги ўзбеклар асосан шу партия учун овоз беришди. Демак, шаҳар кенгашига ўзбеклар шу партиядан номзод ҳам кўрсатганларини тахмин қилиш мумкин.

Жалолободда уч партия бошқаларга нисбатан кўп овоз олган – қандайдир “Онугуу” партияси (35,19%), Социал-демократик партия (20,02%), “Ота-Журт” (18,01%). Бу шаҳарда қирғиз миллатчиларининг “Ота-Журт” партияси кучли ҳисобланар эди. “Онугуу” партияси ундан миллатчироқ бўлган янги ташкилот бўлиши мумкин.

Минг афсуски, ҳозир Қирғизистон жанубидаги ўзбеклар жамоаси мутлақо тарқоқ, шу сабабли улар уюшган шаклда сайлов натижаларига таъсир ҳам кўрсатолмаган бўлсалар керак.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону