12 November 2012
13:33 - Украина: 450 ўринлик Олий Раданинг 445 депутати маълум бўлди
Марказий Сайлов Комиссияси Украинада 28 октябрь куни бўлиб ўтган парламент сайлови натижаларини эълон қилди. 450 депутатдан 445 нафарининг исми маълум бўлди. 5 та бир мандатли округда қайта сайловлар эълон қилинган.

Аввал хабар қилганимздек, Украинада бу йил биринчи марта Олий Рада депутатларининг 225 нафари партиявий рўхатлар бўйича, қолган 225 нафари бир мандатли округлардан сайланди. Олий Радага партиявий рўйхатлар бўйича 5 партия ўз номзодларини ўтказди. Улардан тўрттаси (Коммунист партиядан ташқари) бир мандатли окуруглардан ҳам номзод ўтказолган. Бундан ташқари, яна 4 партия ўз номзодларини фақат бир мандатли округлардан парламентга ўтказди. Бу 9 партиянинг Олий Рададаги ўринлари қуйидагича бўлади:

Регионлар Партияси - 185
"Баткившчина" - 101
"УДАР" - 40
“Озодлик” – 37
Коммунистик Партия – 32
"Бирлашган Марказ" Партияси - 3
Халқ партияси - 2
"Олега Ляшконинг Радикал Партияси" - 1
Иттифоқ Партияси - 1
Партиясизлар, яъни ўз номзодини ўзи кўрсатганлар - 43

Ҳеч бир партия парламентда кўпчилик овозга эга бўлмайди. Қолган 5 ўрин қандай тақсимланиши ҳам жуда муҳим эмас.

Демак, парламентининг келажаги турли партиялар қандай коалициялар туза олиши, мустақил номзодлар кимга сотилиши ёки ён босишига боғлиқ бўлади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону