21 September 2012
22:11 - Тошкент шаҳар ҳокимининг ресторанларда тўй ва бошқа тантаналарни ўтказиш қоидалари ҳақидаги 10 сентябрь қарорини эълон қилишга рухсат берилибди
Қарорни 10 кундан кейин эълон қилинишини бошқача изоҳлаш қийин.

732-чи сонли қарорга кўра, маслан, тўйхона, ресторан ва кафеларда ўтказиладиган тадбир белгиланган вақтлардагина ўтказилиши мумкин. Эрталабки тадбирлар соат 07:00 дан 09:00 гача, кундуз кунгилари 12:00дан 14:00 гача ва кечқурунгилари соат 18:00 дан 23:00 гача ўтказилади. Соат 23:00 дан кейин тўй, тантана ва тадбирларни давом эттиришга йўл қўйилмайди.

Бошқа бир мисол. Тадбирда диний мавзуда маъруза кўзда тутилган бўлса, дин соҳаси вакили томонидан маъруза қилиниши шарт эмиш. Дин соҳаси вакилига адлия идораларида рўйхатга олинган диний ташкилот, диний таълим муассасасида ишлайдиган, диний билимга эга шахс, масжид имом хатиби ва ноиб-имоми киради. Бошқа шахсларнинг маъруза қилиши таъқиқланади.

Табиий, булар ҳаммаси – антиконституцион нормалар.

Бошқа тарафдан, ўзбекларни дабадали, хўжа кўрсинга қилинаётган, аммо катта ҳаражатлар эвазига қилинаётган тадбирларни чеклашга ўргатиш мутлақо шарт. Аммо, бундай қонун-қоидалар йўли билан эмас.

Айган мавжуд ҳокимиятнинг истаги билан ўзбек жамияти ўта ибтидоийлашган. Ибтидойилик, яъни дабдали маросимлар ўтказиш, овқатни культ даражасига кўтариш ўзбекнингг қонига сингиб бўлди. Буни юрт ташқарисида яшаётган ўзбекларнинг мисолида ҳам кўриш мумкин.

Қолаверса, Ўзбекистонда одамлар учун тўй ва турли маросимлар ўтказишдан бошқа нарсага йўл беркитилган. Одамларга эркинлик берилиши, инсонлар ўзликларини тўй-тамошадан бошқа нарсаларда ҳам кўрсатолиши учун имкониятлар яратилиши керак. Қисқа қилиб айтсак, одамнинг ҳар қадамини назорат қиладиган режим йўқ қилиниши керак.

Ўзбек демократик мухолифатининг олдида турган вазифа ҳам айнан шундан иборат.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону