05 October 2004
03:00 - 16:00 - Янги вазирликка рахбар тайинланди - Халкаро амнистия ташкилотининг даъвати - Сўмга нисбатан валюталарнинг давлат курси (5 октябрь, сешанба маълумоти)
16:00 - Янги вазирликка рахбар тайинланди

Янги тузилган Маданият ва спорт ишлари взирлигига Алишер Азизхўжаевни вазир этиб тайинлади. Хозиргача у фан-маданият комплекси бўйича Ўзбекистон бош вазирининг ўринбосари эди. Каримовнинг кеча эълон килинган фармонида Азизхўжаев эски лавозимини хам саклаб колиш колмаслиги хакида хеч нарса дейилмаган.

Халкаро амнистия ташкилотининг даъвати

Маълумки, СССР худудида ташкил топган давлатлардан 9 тасида ўлим жазоси буткул бекор килинган, 4 тасида бу жазога мораторий белгиланган. бўлиб, факат Ўзбекистон ва Белорусиядагина хозиргача олий жазо сакланиб колмокда. Куни кеча Amnesty International ташкилоти хисобот-баёнот чикариб, бу давлатларнинг хукуматларини хам, жуда бўлмаганда, ўлим жазосига нисбатан мораторий эълон килишга даъват этди.

Халкаро ташкилот ўз баёнотида хар икки мамлакатда хибсга олинганларни айбига икрор этиш учун уларга нисбатан мунтазам тарзда кўлланилаётган кийноклар ва адолатсиз суд жараёнлари хакида ишончли далилларга эга эканлигини таъкидлаган.

Хозирги вактда халкаро босимлар таъсирида Ўзбекистонда ўлим жазоси республика Жиноят кодексининг 2 моддасигача камайтирилган бўлиб, бу моддаларда террорчи деб айбланганлар ва касддан, жиноятни огирлаштирувчи холатларда одам ўлдирганлар учун олий жазо белгилаш кўзда тутилган.

Сўмга нисбатан валюталарнинг давлат курси (5 октябрь, сешанба маълумоти)

1 доллар ($) = 1041 сўм 33 тийин; 1 евро = 1287 сўм 8 тийин; 1 рубль = 35 сўм 64 тийин.

Ўзбекистондаги саррофлик (пул алмаштириш) шохобчаларида тижорат курси бўйича 1 долларни ўртача хисобда 1042 сўмга сотиш ва 1044 сўмга харид килиш, 1 еврони эса 1288 сўмга сотиш ва 1307 сўмга харид килиш мумкин..
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону